sintiment
/-è-/
sin|ti|ment
[FO]
-
s.m.
ancje pl., capacitât razionâl di percepî, di capî, di valutâ, di decidi e v.i.:
la int e à avonde sintiment par capî ce che a valin chestis cjacaris e ce pês che a àn lis grandis promessis e lis tamburadis des campagnis eletorâls (Josef Marchet, O zuìn ancje nô);
tu ti fasis une schirie di domandis, di chês che salacor prime no ti passavin nancje pal sintiment (Fabian Ros, Il lôf);
e jere restade di bessole cul cjan te sô casope; plui smaraveade che indolorade. Leade ancjemò ae tiere, ma aromai cui sintiments sul ôr dal vueit (Maria Forte, La aghe dal Ariul);
eh! … parcè che, di cjoc che o sedi, jo no piert mai i sintiments (Riedo Pup, L'armistizi dal '16)
Sin. comprension
, criterie
, intuit
, intuizion
, judizi
, inteligjence
, razionalitât
, cjâf
-
cussience plene:
tu avevis sentiment al pâr di me, amavistu la tô esistença e provavistu orôr a la idea de la tô distruzion, come che lu provìn ducj i popui incivilîts (Zuan Luîs Filli, Il farc)
-
inter.
tant che esclamazion o imprecazion:
"[...] viôt di fâti consegnâ biliets bogns [de lotarie], sâstu, e di portâ a cjase cualchi cjosse di biel." "Po, sintiment, no vuelie!" (Bepo Marion, Il canocjâl de contesse);
e je ore di finîle, sintiment, di proclamâ: «Il forte Friuli» «Friuli eroico», «Friuli dolce e gentile» e po, sence cognossinus une malandrete, zontâ, cuntune sbeleade: «el xe furlan!» (Arturo Feruglio, Viaç a Vignesie)
Sin. corpo dal sintiment
-
s.m.
cundizion o disposizion emotive:
al jere un sintiment, il so, fra l'odi e l'amôr (Roberto Ongaro, Cretevierte);
se lis bocjis a cjacaravin pôc, tant a fevelavin i cûrs e il sintiment a pene nassût al cjapave forme e fuarce dì par dì (Franca Mainardis, Il sium di Lissandri);
une autonomie cussì grande che dispès si è colorade di un fuart sintiment di indipendence e di riviel (Angelo Floramo, Ri-cognossi la autonomie)
Var. sentiment
Polirematichis e espressions idiomatichis