intuizion
/-òn/
in|tu|i|zi|on
[AF]
-
s.f.
capacitât di capî di istint o ancje di previodi o di induvinâ, cence vê une cognossince e une analisi complete:
al veve simpri vude la convinzion che lui al jere di chei che a san lis robis no par vie di resonaments luncs e involuçâts, ma par intuizion sutile e anzit misteriose (Carlo Sgorlon, Ombris tal infinît);
l'ûs di plui lenghis al fâs cressi lis pussibilitâts di stimolâ la intuizion dai students (Carlo Cecchini, Matteo Fogale, Une esperience di plurilinguisim inte didatiche de matematiche)
Sin. intuit
-
s.f.
la azion di capî di istint e ce che al ven capît o ce al somee di capî di istint:
che il Teatri di Camillus al fos une sorte di çurviel eletronic e fo une gjeniâl intuizion di Marchet (Mario Turello, Cumbinazions e leterature);
tantis intuizions/indicazions di Gilberto Pressacco a spietin ancjemò une conferme o une smentide uficiâl dal mont academic e sientific (Luche Nazzi, Trainis musicâls, fra cramârs e clericât);
dutis chês peraulis mi àn lassât alc, une idee, une intuizion, un concet gjeniâl, alc (Laurin Zuan Nardin, Mandi Galliano)
Sin. idee
, pensade