Dizionari de Lenghe Furlane

judizi  /-dì-/  ju|di|zi  [FO]

1. s.m. il judicâ, il pensâ in detai che cdn. o alc a vedin un ciert valôr, une cierte reson e v.i.:  al è di viodi, e fâsi un judizi, sul parcè e sul mût che e je stade fate somosse dai puars contadins e sotans (Alviero Negro, Int di masnade)
   Sin. considerazion , critiche , opinion , parê² , preseament , valutazion , sentence
   
   1. espression di cemût che si judiche e di ce che si pense:  ducj i lavin daûr atents [a cjalâ lis pituris], fasintsi cualchi note, scambiant un cul altri judizis e opinions (Zuan Lurinçon, La Madalene)
2. s.m. capacitât di valutâ, di resonâ:  Se no tu vûs vê altri, cjo [un altri tai di vin]! Viôt dome di no bevi il judizi, Checo! (Dolfo Zorzut, La furlane); come une crôs lu vevin tignût ducj chei agns [un fradi cun problemis psicologjics], sperant simpri che si metès a fâ ben, che i tornàs un pôc di judizi (Pieri Menis, A uciei cu lis archetis)
   Sin. inteligjence , cjâf , criteri , pinsîr , sintiment , inzen
3. s.m. capacitât di doprâ la inteligjence cun calme e prudence, ancje daûr di criteris di moralitât, par fâ lis sieltis justis e par no lâ incuintri a consecuencis negativis:  tu coris masse tu Gelindo… Bisugne vê judizi… tu coris masse (Costantino Smaniotto, Co l'amôr al cimie); e à doprade cun judizi la sô libertât, e à filât drete (Josef Marchet, Lis predicjis dal muini)
   Sin. cautele , considerazion , criteri , misure , prudence
4. s.m. complès de ativitât che si fâs devant di une autoritât judiziarie par rivâ a une pronunzie:  la leç austriache dai 17 di Dicembar 1862 e declarave la abolizion dai feuts, ma daûr di un judizi di sfrancjament, che al jere lunc e al costave (Adrian Cescje, Liniis di storie sociâl e economiche dal Friûl 1500 - 1800)
   Sin. procès , cause
   
   1. [TS] dir.pen. part dal procediment cu la discussion de cause e la deliberazion de cort judicante
5. s.m. [TS] dir. decision cjapade dal judiç
   Sin. sentence , pronunzie
6. s.m. (estens.) cualsisei decision suntune cuistion, ancje uficiâl, ma no par fuarce di une autoritât judiziarie:  i rispuindei sut sut che i varès dât un voli a lis cjartis e che al spietàs il judizi de comission (Pieri Somede dai Marcs, Chel de formadiele); 'Sebio, cence savê ce da fâ, al veve fate un sdrume di amîs, e tes ostariis, se a jere une cuistion, lui al dave il judizi (Alan Brusini, Un om di mont)
7. s.m. [TS] scol. valutazion di une prestazion scolastiche singule intune materie, o di dute une dade dal timp scolastic, o di dut l'an scolastic:  nol vâl nuie cambiâ i nons, tant che primarie al puest di elementâr o unitât di aprendiment al puest di unitât didatiche, e la stesse robe e vâl pai judizis: la scjale dal un al dîs […], i trentesims o i centesims a son dome convenzions (Bruno Forte, Ce si puedial fâ pardabon pe scuele furlane?)
   Sin. valutazion , vôt

Polirematichis e espressions idiomatichis

• a so judizi loc.av.
• bevi il judizi loc.v.
• fâ judizi loc.v.
• menâ judizi loc.v.
• meti judizi loc.v.

Proverbis:

• cuant che il Signôr al vûl pierdi un, i cjol il judizi
• cui che al à plui judizi, plui ind dopri
• il mani de pale al fâs piâ judizi
• il timp al mene judizi
• la gnot e mene judizi
• lis disgraciis a menin judizi
• si bêf il vin e no il judizi