sentence
/-tè-/
sen|ten|ce
[AF]
-
s.f.
[AF, TS]
dir.
at finâl dal judiç che al siere un procès:
il tribunâl si ritire par studiâ la sentence (Pieri Piçul, Vieri e gnûf);
co si è inocents, co si à la cussience a puest si sint la sentence assolutorie tal aiar (Riedo Pup, La none in cuço e Cutolo assolt)
Var. sentenzie
-
s.f.
decision cjapade suntune cuistion di une cualsisei autoritât, no dome judiziarie:
une sentence dal judizi finâl di Diu (Francesc Placerean, L'ultin patriarcje: Denêl Dolfin)
Sin. judizi
, decision
-
s.f.
(ancje iron.)
opinion dade suntune cuistion, soredut cun sigurece, ancje esagjerade:
Bepo dotôr al jere famôs pes sentencis che al deve e pes lagnancis su ogni robe. No i leve ben nuie (Alan Brusini, Amîs come prime);
la sentence de place e jere che Selmo se veve volude chê brute fin (Pieri Menis, Il fi de Rosse)
-
s.f.
frase dite cun solenitât, in maniere sute e incisive, che e ten dentri un concet di sapience, ancje popolâr:
un mût di pensâ stravagant che i dave la innomine di om sapient, che si faseve cognossi a detulis e sentencis (Maria Forte, Il Bide di Miot)
Sin. aforisim
, detule
, massime3
, sproc1
Proverbis:
- miôr un justament magri che no une grasse sentence
- miôr une magre convenzion che no une grasse sentence