inzen
/-èn/
in|zen
[AF]
-
s.m.
inteligjence creative, buine di inventâ e di cjatâ soluzions:
lis motivazions che lu àn sburtât a meti in vore il so inzen intal cjamp de eletricitât (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
ta chei colôrs no definîts, al jere un spietâsi alc di grant e lontan: ce che Afro al varès fat te realtât cul so inzen (Alan Brusini, Come tai romançs)
Var. inzegn
-
(estens.)
inteligjence in gjenerâl, facoltât di pensâ, di capî e v.i., soredut cuntune ponte di furbetât:
un om tant discret e sutîl di inzen che mi palesave dut ce che al saveve cence dîmal a vôs (Alan Brusini, Gian Paolo Linda, I forescj);
Gjulie no capive che nissun pues saltâ fûr de sô anime e che, tal so om, al mancjave l'inzen de bausie e la art dal dî e dal disdî (Maria Forte, Cjase di Dalban)
Sin. cjâf
, çucje
, ment
, estri
, gnuche
, sintiment
, inteligjence
-
persone di grandis capacitâts inteletuâls:
tante zoventût, tantis fuarcis, tancj inzens pierdûts par simpri! (Pieri Menis, Chei di Muraie)
Sin. inteligjence
, cjâf
-
s.m.
ognidun dai tocs di un mecanisim:
cheste siaradure e à un ciart inzen, dentri vie, che nissun ramondin nol po viarzile (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- al vûl inzen a messedâle cul len
- al vûl inzen ancje a fâ la polente cul len
- bust a ruviers e manie drete al è l'inzen da la pulzete
- dulà che no je nature, inzen al procure
- i vûl inzen a fâ la mignestre cul len
- il miedi e il speziâr di inzen a puedin fâ gran ben