Dizionari de Lenghe Furlane

coce  /có-/  co|ce  [AF]

1. s.f. ortaie cu la polpe zale e farinose, dolce, che e je la pome de Cucurbita maxima o di altris plantis dal gjenar Cucurbita:  lessait la coce a tocs e dopo spelaitle; taiaitle fine e meteitle a savorîsi cul pestât di cevole, savôrs, selino e pôc gras (Emilia Baldassarre, Ort e cusine); dopo mai che in cjase mê si taie la coce pe vilie de gnot dai muarts (Christian Romanin, Taiant la coce)
   Sin. çucje
   Var. cavoce , cogoce
   
   1. plante che e prodûs chê pome:  tra un stoc e chel altri dal sorc, si semenavin vuaìnis, cocis, cavoçuts, brocui e verzis (Nella Costantini, Manuela Quaglia, L’ort di une volte: une storie dal Friûl)
      Sin. cavoçâr , coçâr , cavoçarie
2. s.f. (fig., scherç.) il cjâf e la capacitât di resonâ:  o zurarès che in ciertis cocis, che a puartin il cjapiel, al sedi plui dificil di fâ jentrâ une idee, che no tal mio cjâf di piere (Guido Antonioli, Florean dal Palaç, I, 1); la robe e jentrà tant ben te coce di ducj, che cuant che al fo il moment, ducj si presentarin (Riedo Pup, La invasion)
   Sin. piruce , cjast , cit¹ , cite , melonarie , luminarie , cassele , cavoce , çucje

Polirematichis e espressions idiomatichis

• a proposit di cocis loc.inter.
• fevelant di cocis loc.inter.

Proverbis:

• la coce in siorie e fâs plui sunsûr
• la prime joibe di Mai cocis assai