Dizionari de Lenghe Furlane

cit¹  cit  [AF]

1. s.m. contignidôr par cusinâ, in gjenar plui piçul de cite:  chel agri vapôr de verze che e bulive tun cit picjât al cjadenaç dal fogolâr (Roberto Ongaro, Cretevierte)
   Cfr. bronzin² , brumâl³ , cite , cjalderie , cjaldîr , ram¹ , stagnade , padiele , fersorie , pignate
2. s.m. contignidôr, pal solit doprât par tignî la robe di mangjâ, o in cualchi câs ancje di bevi, ma no par cusinâle:  il salam, il formadi, la panzete, il cit de cuince a mandavin un bonodôr che al faseve vignî la aghegole (Riedo Pup, I furlans e il camarin); la mari furlane e mande jù il frut [student a Triest] plen di cits e cituts cu la cuince pe paste e il rost pront dome di scjaldâ (Bete di Spere, L'emigrant)
   Cfr. cite
   
   1. contignidôr avonde piçul, par cualsisei robe:  benedî lis campagnis cu la spergje di ulîf e l'incens tun cit di boris (Dino Virgili, La aghe da pît la cleve); il cit da lis scovacis si jemplave di cjarte ingritulide (Raffaele Serafini, Contis sot spirt)
3. s.m. (fig.) il cjâf e la capacitât di resonâ, viôt fûr cul cit
   Sin. cjâf , cjast , cassele , gamele , coce

Polirematichis e espressions idiomatichis

• fûr cul cit loc.adi.inv., loc.av.
• rompi i cits loc.v.

Proverbis:

• cui che al à cits al à ancje creps
• l'onôr nol met nuie tal cit
• nol è cuviert che no si adati a cualchi cit
• nol è tapon che nol ledi ben sun cualchi cit
• ogni cit il so cuviert