cjalderie
/-dè-/
cjal|de|ri|e
[AF]
-
s.f.
recipient avonde grant di metal par boli lucuits o par fâ di mangjâ robe bulide:
al domandà se le vendevin [une vecje panarie], e al finì par baratâle cuntune cjalderie par fâ la polente (Carlo Sgorlon, Prime di sere);
tun cjanton e jere la cjalderie des patatis cuetis (Maria Forte, Cjase di Dalban);
lis feminis intant a metevin in sest i curtîi, a freavin lis cjalderiis di ram (Pieri Menis, Chei di Muraie)
-
recipient une vore grant par scjaldâ il lat di fâ il formadi:
no jere nissune fradilance ta chê latarie li: siet vot magnatui a vevin ducj i dirits e chei altris cent di lôr, a jerin dovûts a jemplâ la cjalderie di lat e tasê (Riedo Pup, Il moto dal 28)
-
robe o cuantitât di robe tignude in chel recipient:
une cjalderie di aghe bulinte (Pieri Menis, Chei di Muraie)
-
s.f.
aparât par scjaldâ la aghe o par fâ evaporâ licuits o par produsi energjie termiche o mecaniche:
sostituzion des cjalderiis intes struturis comunâls (Marc Stolf, Eficience energjetiche, vinars cors pai Comuns )
Cfr. stue
, bolare
Proverbis:
- che nol disi mâl de cjalderie, che ancje il fersorin al infrusigne
- cuant che no 'nd è te panarie, dibant meti sù la cjalderie