preseament  /-ènt/  pre|se|a|ment  [CO]

  1. s.m. valutazion des cualitâts di alc o di cdn.:  no une stime dade dongje in premure, casualmentri e superficialmentri, ma une valutazion e un preseament de realtât de nestre Patrie furlane confrontade cu la situazion che e jere presinte in ducj chei altris bocons dal Stât talian (Riedo Pup, I furlans e il terorisim)
  2. s.m. considerazion positive di alc o di cdn.:  la incressite dal preseament che Achille Tellini al à scomençât a gjoldi (Giovanni Frau, Pe memorie di Achille Tellini (1866-1938))
    1. coment positîf, espression di considerazion positive su alc o su cdn.:  a lui i preseaments, la stime i savevin mârs, fals (Eugjeni Marcuç, Liende a Sant Zuan)