pronunzie
/-ù-/
pro|nun|zi|e
[AF]
-
s.f.
l'articolâ e la maniere di articolâ i suns di une lenghe:
no crodìn che la grafie e vebi di rifleti lis variazions inte pronunzie di une peraule daûr dal contest fonetic (Xavier Lamuela, La grafie furlane normalizade);
i acents di plui a àn volût metiju lôr par judâ la pronunzie di chei che no cognossin il furlan scrit (cussì mi àn dite) (Dree Venier, Cuant che la Ferrero le fâs… fûr dal vâs. Lis etichetis sbaliadis de Nutella)
Sin. articolazion
-
s.f.
complès dai caratars fonetics tipics di une lenghe o di une varietât linguistiche:
e fevelave un talian perfet, ma tes sôs peraulis al jere ancjemò un vêl di pronunzie francese (Carlo Sgorlon, Ombris tal infinît);
al fevele todesc franc, cun pronunzie setentrionâl (Josef Marchet, Pitôrs di là de stangje)
Sin. acent
, ghenghe1
, gorghe
, gnagnare
, inflession
, cadence
, calade
-
s.f.
[TS]
dir.
decision di une autoritât judiziarie:
un eletrodot simil al nestri jenfri Lombardie e Svuizare al è stât blocât, subite dopo la pronunzie dal Consei di Stât (Oscar Puntel, Cuant che il paron di Terna i disè a Tibaldi: «Nissun mi à mai domandât di intierâ l’eletrodot»)