Dizionari de Lenghe Furlane

acent  /-è-/  a|cent  [AF]

1. s.m. [TS] ling. rilêf di une silabe cuntun rimarc de fuarce de vôs o de sô altece:  l'acent, compagn che tal francês e l'ocitan, no si moveve inte peraule Om, che in dì di vuê e à i plurâi ùmign, òmign, òminç, Oms, òmis e òmi (Zorç Cadorin, Cualchi ipotesi sul furlan di prin di scrivilu)
   Sin. acent tonic
2. s.m. segn metût sore di une vocâl, in gjenar par segnâ se e je toniche o se e je vierte o sierade o lungje:  completâ la scriture des peraulis zontant ogni sorte di apostrofs e di acents (Adrian Cescje, Memoriis di politiche linguistiche)
   Sin. acent grafic
3. s.m. [TS] mus. rimarc di une o plui notis par vê un efiet particolâr
   Sin. acentazion
4. s.m. maniere particolâr di fevelâ:  al busine a vôs alte, inte baite vueide, cuntun revoc di acent cjargnel (Raffaele Serafini, Contis sot spirt); une pronunzie perfete, cence acent forest (Franc Fari, Eric Pascul, Autonomie e democrazie, i numars de socializazion umane)
   Sin. cadence , inflession , gorghe , calade
   Cfr. ghenghe¹ , gnagnare²
5. s.m. (fig.) modalitât espressive particolâr:  il stîl nol è masse elegant, ma chel che al impuarte in chescj câs no je la forme leterarie ma l'acent di veretât e la imparzialitât tes descrizions (Giovanni Pillinini, Zuan Batiste Cavedalis - Une vite esemplâr)

Polirematichis e espressions idiomatichis

• meti l'acent loc.v.