prudence
/-èn-/
pru|den|ce
[AF]
-
s.f.
atitudin o maniere di fâ atente, di mût di evitâ o ridusi lis consecuencis negativis di ativitâts o situazions:
cuant che si va pal mont no si à mai prudence avonde, massime cun int che no si cognòs (Giovanni Gortani, Il viaç di Vidisson);
Vera e veve la rispueste pronte su la lenghe, ma e veve stimât cun prudence che al jere miôr tignîle daûr dai dincj (Gianni Gregoricchio, Trê feminis)
Sin. cautele
, rivuart1
, precauzion
, atenzion
Var. prudenzie
Cfr. sintiment
, cjâf
, judizi
-
maniere di compuartâsi o di fevelâ atente a no sustâ:
"Che al vei prudence copari, tal fâ capî la storie, i racomandi" (Costantino Smaniotto, Co l'amôr al cimie)
-
s.f.
[TS]
teol.
virtût teologâl che e indrece l'intelet tal dicerni il just dal injust:
predis viei cu la barbe grise, plens di prudence e di saviece, dopo di vê esaminât il câs, e pensât parsore par agn, a vevin disfat il so matrimoni par vizi di origjin (Carlo Sgorlon, Il dolfin)
-
[CO]
capacitât di dicerni, di resonâ:
jo o soi un puar om, ma prudence o 'nd ai, e pal moment jo mi lavi lis mans di ogni responsabilitât pes vuestris declarazions (Riedo Pup, Sant Pieri e il buiat)
Sin. cjâf
, sintiment
Proverbis:
- al marît prudence, a la femine pazience
- dopre prudence par cui che no 'nd à
- il smuars al frene il cjaval e la prudence l' om
- la prudence a ven cui agns
- la prudence e je di cui che le dopre
- la trope prudence e cole in imprudence