Dizionari de Lenghe Furlane

norme  /-ò-/  nor|me  [FO]

1. s.f. maniere di fâ codificade che si à di lâi daûr par rivâ obietîfs determinâts o par rispietâ i ecuilibris de convivence sociâl:  une cjosse di cheste fate no podarà mai jessi permetude da un istitût internazionâl e imparziâl, parcè che al sarès cuintri ogni norme di justizie (Josef Marchet, Un sproposit… meretât!); il 1996 al segne cussì la impuartantissime leç regjonâl numar 15, là che pe prime volte e ven sancide une norme di tutele dal patrimoni linguistic e culturâl dal popul furlan (Angelo Floramo, Cuintristorie dal Nûfcent 1990-2000)
   Sin. criteri , decalic , disposizion , leç , precet , principi
2. s.f. maniere usuâl di sucedi, che e fâs che alc al puedi jessi previodût:  di norme un grup minoritari al è tâl no tant pe consistence numeriche, ma ben ancje (e massime) parcè che, dentri dal stât, i siei membris a patissin formis di discriminazion (Marc Stolf, Minorancis linguistichis)
   Sin. costum , normâl , normalitât , ordenari , pratiche , tradizion , ûs¹ , usance
3. s.f. [TS] gram., ling. complès di regulis o formis sielzudis tra lis manieris di doprâ une lenghe:  il model de lenghe di riferiment nol à di jessi calcolât mai une imposizion, […] ma ben […] une norme comune tai cjamps li che e covente une uniformitât di espression (Sandri Carrozzo, Jentrade dal DOF)

Polirematichis e espressions idiomatichis

• a norme loc.av., loc.adi.inv.
• a norme di leç loc.av., loc.adi.inv.
• meti a norme loc.v.