usance
/-à-/
u|san|ce
[FO]
-
s.f.
maniere di vivi o di puartâsi carateristiche di une ete, di un ambient, di une civiltât o di un grup sociâl e v.i.:
ogni an, il dì di Sant Pieri - mieze stagjon, pal fornasîr - il paron al paiave di bevi a dute la sô int: une usance che in dutis lis fornâs di sest e vignive rispietade (Pieri Menis, La gjaline robade);
in chel convent il cjistielan di Çucule al veve metude sô fie Matiusse […] par chê brute usance di in chê volte, di mandâ muiniis lis frutatis par no tocjâ, une altre dì, la robe dai fîs masclis (Dino Virgili, La Çucule);
no podìn pierdi lis nestris tradizions, lis nestris usancis, lis nestris devozions, in nestri mût di resonâ, il nestri mût di creâ e il nestri mût di fevelâ (Francesc Placerean, La vite di chest mont, cence un pôc di spirt, e devente brute e insopuartabile)
Sin. tradizion
, ûs1
, usaç
-
s.f.
robe che si fâs di tant timp, dispès, in maniere regolâr:
a lavoravin come se tra di lôr e fos une antighe usance di stâ insiemi (Carlo Sgorlon, Prime di sere);
l'istint o la usance, intun cjan, a àn plui fuarce che no… il resonament (Josef Marchet, La sgarfade dal cjan)
Sin. abitudin
, ûs1
, usaç
-
s.f.
cun valôr di prep., par introdusi une comparazion:
dongje de iconografie classiche di Sant Jacum cul baston di pelegrin, e je ancje chê di Sant Jacum a cjaval, usance Sant Zorç (Antoni Beline, Sant Jacum, là che al finìs il mont)
Sin. come1
, tant che
, ûs1
, a ûs
, a ûs di
, compagn di
, a usance
, a usance di
Polirematichis e espressions idiomatichis
Proverbis:
- al è miôr si brusi un paîs pluitost che si pierdi une usance
- altris timps, altris usancis
- cui che nol rispiete la usance al mancje di creance
- cul mudâ stât si mude usance
- la usance e je une grande sclavitût
- miôr brusâ un paîs che no dismeti une usance
- mudâ stât, mudâ usance
- ogni paîs la sô usance, ogni cjase il so costum
- ogni vile la sô usance, ogni cjase il so costum