costum
/-ùm/
cos|tum
[AF]
-
s.m.
maniere di fâ solite:
co si è stâts tirâts sù cul scrupul dal lavôr biel e ben fat, cul amôr de vore finide e cence pecjis, no si po mudâ costum di une dì a chê altre (Josef Marchet, Lis predicjis dal muini);
par cressi sans al è tant impuartant cjapâ sù costums alimentârs corets fin di fruts (Guglielmo Pitzalis, Mangje san 1)
Sin. abit
, abitudin
, bitince
, convenzion
, norme
, regule
, ûs1
, usance
, tradizion
-
s.m.
ce che al ven fat lant daûr di ce che si à simpri fat, ancje tes gjenerazions passadis:
la comunitât [furlane] restade [in Romanie] e manten la lenghe dai vons, i costums e cualchi plat tradizionâl (Dree Venier, Un mont dut furlan);
"Mantignî la lenghe nestre" al diseve Vico "e doprâle secont il nestri costum" (Riedo Pup, I furlans e il fevelâ)
Sin. rituâl
, ûs1
, usance
, tradizion
, costumance
-
s.m.
mût di compuartâsi morâl:
a son cence diu cence religjon, cence costum, cence lavôr (Stiefin Morat, Microrivoluzions)
Sin. compuartament
, contegn
, puartament
-
s.m.
vistiari tipic di une comunitât o di une ete:
cualchi grup folcloristic in costum (Luca Zoratti, YouTube.com! Dulà sono i furlans?);
si viodin i risultâts des ricercjis di Perusini e Lea D'Orlandi sul costum popolâr furlan (Erika Adami, La culture furlane tra passât e presint)
-
vistît che si met in ocasions tipichis o in ciertis situazions o ancje ativitâts culturâls o professionâls par mudâ l'aspiet di une persone:
mascarât di Pierrot, il so costum preferît, Casanova al bale prime il minuet e dopo dodis furlanis (Pierluigi Visintin, Friûl e furlans te Histoire de ma vie di Giacomo Casanova)
Sin. mascare
-
viôt costum di mâr
, viôt costum di bagn
:
une marmaie di int in costum e cjapave soreli, distirade sui suiemans (Raffaele Serafini, La balene);
i ai dit "Compre un doi tocs, cun chel costum li no tu cjapis nancje soreli, tu sês dute vistide" (Mario Beltramini, Jo e Graziella)
Proverbis:
- cui che al mude paîs al mude costum
- ogni cjâf la sô idee, ogni cjase il so costum, ogni bocje il so pistum
- ogni cûr il so misteri, ogni cjase il so costum
- ogni paîs la sô usance, ogni cjase il so costum
- ogni vile la sô usance, ogni cjase il so costum