Dizionari de Lenghe Furlane

convenzion  /-òn/  con|ven|zi|on  [AF]

1. s.f. mût di jessi o di fâ o sisteme che al è acetât in gjenerâl, par tradizion o par un acuardi:  no si steve masse a scrupulâ e a cjalâ lis leçs e lis convenzions de societât (Carlo Sgorlon, Il dolfin); jê che la zoventût le veve vivude te solitudin e tal dispresi, ancje se platât, de int dal paîs, cumò le sintive a menâ entrivie tibiade des convenzions che a incjadenin lis personis a usancis e ideis inlidrisadis aromai tal vivi di paîs (Roberto Ongaro, Cretevierte)
   Var. cunvenzion
2. s.f. pat, acuardi stipulât fra personis, ents o stâts par regolâ cuistions comunis o par furnî cierts servizis:  ancje tes produzions tal forest, lis aziendis a scuegnin rispietâ lis convenzions de Organizazion internazionâl dal lavôr (Buteghe dal Mont, Luche Nazzi, Guide par un consum just e solidâl); i cors dai lessicolics, dai tradutôrs e dai gjornaliscj in lenghe furlane si son fats plui o mancul daûr dal protocol di convenzion che o vevi dissegnât, che al fo aprovât dal Olf (Adrian Cescje, Memoriis di politiche linguistiche)
   Sin. acuardi , cjapitulât , compatât¹ , concuardât , contrat² , intese , pat¹ , transazion , tratât

Proverbis:

• miôr une magre convenzion che no une grasse sentence