Dizionari de Lenghe Furlane

contrat²  /-àt/  con|trat  [FO]

1. s.m. dir. pat formâl tra dôs o plui parts par meti adun, mudâ o distudâ une relazion juridiche:  ancje se i contrats a previodevin la paie orarie e vot oris di lavôr in dì, par vie dal cambi favorevul e dai salaris alts, i operaris furlans a acetavin di lavorâ a cotim e un orari di lavôr plui lunc (Matteo Ermacora, La emigrazion furlane in France 1820-1970); cuvierzi i puescj di responsabii dai servizis o dai uficis di cualifiche dirigjenziâls o di alte specializazion, cun contrat a timp determinât di dirit public o, in câs ecezionâl e motivât, di dirit privât (Aministrazion Publiche, Statût dal Comun di Udin); o vin cjatât un altri talian che ancje lui, come nô, al veve decidût di rompi il contrat che o vevin fat cul guvier [canadês] e al jere lât a cjatâsi un lavôr di bessôl (Igino Macasso, Une storie corint)
   Sin. acuardi , compatât¹ , pat¹
   
   1. scrit che al documente chel pat formâl:  Toni, al faseve il contrat di fitance cun gno pari de pastiçarie su la place, de cjase lunc la androne, scrit a man, dut un ghirigori (Alan Brusini, Come tai romançs)

Polirematichis e espressions idiomatichis

• a contrat loc.adi.inv., loc.av.

Proverbis:

• pês e misure a devin jessi, il contrat al è libar