rituâl
ri|tu|âl
[AF]
-
s.m.
complès di azions e frasis codificadis che a àn soredut une finalitât simboliche religjose:
al veve di jessi un rituâl une vore antîc, che ogni an lu ripetevin in dutis lis glesiis dal mont (Carlo Sgorlon, Prime di sere);
i rituâi religjôs plui antîcs a àn ce fâ cul cult dai muarts (Franc Fari, Il cjâf dai furlans)
Var. rît
Cfr. cerimonie
, cerimoniâl
-
complès di azions codificadis, cuntun ciert valôr simbolic ma no par fuarce religjôs:
ogni volte che si partecipe a un event targât «SFF» si à la percezion di jessi devant di un rituâl precîs e colaudât (Redazion La Patrie dal Friûl, Messe grande de Siore Filologjiche)
-
s.m.
lit.
inte Glesie catoliche, libri dulà che a son tignudis dentri lis regulis e lis formulis di doprâ in sacraments e cerimoniis:
il plevan cu la cuete che e scampanotave su lis maniis e la stole tiessude di fîi di aur che i sui zenoi, sul asperget, il rituâl e doi fruts par bande, un cul cjalderin da la aghe sante e chel altri cu la zee pai ûfs, al scomençâ a fâ il zîr par benedî lis cjasis (Pieri Somede dai Marcs, Par une lengate)
-
s.m.
[TS]
etol., psic.
compuartament che si fonde suntune secuence di elements che a cjapin un significât particolâr inte comunicazion sociâl
-
adi.
che al è propri di un at simbolic cerimoniâl, che al à finalitâts simbolichis:
nainis rituâls che a vevin il savôr velât di une medisine pagane (Margherita Timeus, Une speziarie te cjanive);
la agressivitât mortâl dentri de specie si à stramudade intune schirie di puartaments rituâi par fermâ la coparie fra individuis de stesse specie (Franc Fari, Il cjâf dai furlans)
-
adi.
(fig.)
che al sucêt o che si fâs simpri e che al à formis fissadis dal costum:
subit al jere comparît il so amì e dute une schirie di oms e di feminis che i vevin fat fieste, tant che lui al fos stât l'ospit plui spietât. Daspò lis presentazions rituâls, Lissandri si jere cjatât intune grande cusine (Franca Mainardis, Il sium di Lissandri)
Sin. usuâl
, solit1