Dizionari de Lenghe Furlane

usuâl  u|su|âl  [CO]

1. adi. che al è tal ûs, te normalitât, che si viôt, che al sucêt o che si fâs dispès:  al partive di buinore in biciclete. In chei agn la biciclete no jere imò une cjosse usuâl: la int, tal prin, a vignivin fûr a cjalâ sul balcon (Dino Virgili, La aghe da pît la cleve); la tradizion dai pelegrinaçs a Sant Jacum e jere un fat vonde usuâl (Antoni Beline, Sant Jacum, là che al finìs il mont)
   Sin. comun , normâl , ordenari , di ogni dì , regolâr , tradizionâl , solit¹
2. s.m. [BF] dome sing., maniere di fâ o di sucedi che e je simpri chê o che e je calcolade normâl
   Sin. ûs² , solit¹ , normâl , ordenari , regolâr , tradizionâl