tradizionâl
tra|di|zi|o|nâl
[FO]
-
adi.
che al nas di une tradizion, fondât suntune tradizion:
il cjant tradizionâl furlan plui carateristic al è di sigûr la vilote (Walter Colle, Musiche furlane);
par chel che al rivuarde lis televisions privadis, bisugnarès sfrancjâsi de vision folcloristiche e tradizionâl dal Friûl, une vore presinte in cetancj programs (Erika Adami, La promozion de lenghe furlane sui mass media);
i mudaments che la nobiltât e cirive di meti in at a levin a tocjâ in maniere direte chel sisteme di regulis, di normis tradizionâls, di dirits che a jerin la fonde primarie de struture e, duncje, de identitât di une comunitât (Carli Pup, Il Friûl de Joibe Grasse dal 1511)
-
adi.
che al corispuint a modei tipics e maioritaris o che al è leât a modei dal passât:
fintremai intal mieç dai agns Otante a 'nd jere un grum di linguiscj di orientazion tradizionâl che a cjalavin suspietôs a lis gnovis tindincis dal studi da la lenghe naturâl cul jutori de matematiche e de informatiche (Vladimír Petkevič, trad. di Zorç Cadorin, Corpus linguistics);
chescj presits [dal cumierç just] a son par solit plui alts di chei dal marcjât "tradizionâl", che al sta sù sul profit (Buteghe dal Mont, Luche Nazzi, Guide par un consum just e solidâl);
cun chestis bataiis che Onde Furlane e marche une funzion di riferiment inte societât furlane, metint in dificoltât i partîts tradizionâi e obleantju a vierzi i voi su chestis cuistions (Max Mauro, Un Friûl difarent: i 90 mhz di Onde Furlane)
Sin. convenzionâl
, normâl
-
adi.
(fam.)
che si use, che al è tipic di une cierte ocasion o circostance:
cuindis dîs prime dal matrimoni, une domenie dopomisdì, si son cjatâts a «contentâ», come che si usave in chê volte. […] a son jentrâts tal tinelut risiervât pes circostancis dulà che e jere preparade la taule cu la mirinde tradizionâl (Pieri Menis, Chei di Muraie)
Sin. ordenari
, rituâl
, usât
, usuâl
, solit1