Dizionari de Lenghe Furlane

convenzionâl  con|ven|zi|o|nâl  [CO]

1. adi. di une convenzion, di un acuardi condividût e acetât tra plui parts:  in font si trate nome di convenzions. Dut câs su chescj aspiets convenzionâi bisugnarà, metisi dacuardi in curt (Sergio Cecotti, La analisi matematiche seont i furlans)
2. adi. che al derive di une convenzion, di une maniere acetade e condividude, ancje se no uniche o obietive:  [te rapresentazion grafiche des partidis] la inrocade lungje o curte, la promozion dal pedon, il scac, il scac mat a vegnin regjistrâts, segnâts cun segns convenzionâi (Nilde Teresa Negro, Zuìn di scacs)
3. adi. che al va daûr dal ûs maioritari, comun, ancje in maniere passive:  une impagjinazion convenzionâl e monotone (Bepi Agostinis, Storie de art in Friûl)
   
   1. di prodot, tecniche e v.i., che e je za slargjade e comprovade dal ûs, che no je sperimentâl o gnove:  une cele solâr convenzionâl e je un diodi cun doi strâts a diferente composizion chimiche e dôs polaritâts (Lorenzo Marcolini, Lis celis organichis nanostruturadis)
4. adi. di armis, tatichis, strategjiis e v.i., che a son calcoladis legjitimis inte vuere daûr di acuardis internazionâi:  la superioritât militâr convenzionâl des grandis potencis mondiâls (Alessandro Pascolini, Un mont cence armis nucleârs. Sfidis sientifichis e tecnologjichis)