Dizionari de Lenghe Furlane

usât  u|sât  [FO]

1. p.pass., adi. viôt usâ , viôt usâsi
2. adi. che al à ûs, abitudin, esperience di alc:  co si è usâts a vivi intun mût par tancj agns, al è uman, nol è facil cambiâ in piês, strenzisi, limitâsi (Meni Ucel, Culumiis); int di montagne, ferme e risolude, usade a tignî dûr cence pôre e cence premure (Josef Marchet, E se no nus dassin la autonomie); al jere simpri sigûr, come un usât a fâ un lavôr che si è insedât ben tal so sanc, … anzit tal so sintiment (Maria Forte, La tiere di Lansing)
   Sin. abituât , ûs²

Proverbis:

• cui che al è usât a fâ il mâl, lu pense
• cui che al è usât a fâlis, lis pense
• cui che al è usât a lavorâ nol po stâ dibant
• cui che al è usât a stâ picjât no i dûl il cuel