usâ
u|sâ
[FO]
-
v.tr.
fâ fâ pratiche di alc in mût che al deventi plui facil o normâl o tradizionâl:
aromai nus àn tant usâts a vivi «sul piede di guerra» che un Friûl disarmât al pararès cuasi di strani (Riedo Pup, I furlans e il disarmo);
Jacum al decidè di comprâ un mussut zovin e di tacâlu dongje il vecjo par usâlu (Angelo Covazzi, A tîr di doi)
Sin. abituâ
Cfr. costumâ
, insegnâ
-
v.intr., v.tr.
vê un costum, une abitudin:
là di 'Sefon a usavin barufâ saldo par robis di nuie (Alan Brusini, Amîs come prime);
la compagnie e usave di lâ a balâ intune salute de bande de stazion (Roberto Ongaro, Cretevierte);
si lavave la muse sglonfe, incuchide, e al jesseve par lâ tal barut, là che al usave fâ di gulizion ogni dì (Amedeo Giacomini, Tal ospedâl)
-
doprâ par costum:
là jù a vevin za cjapade sù int - chê che vuê a usin pai comizis e pes dimostrazions - e le vevin menade su lis puartis a berghelâur cuintri (Riedo Pup, Il prin moto);
e cjol fûr de sachete, imbroiantsi tes pleis dal grumâl e de cotule, un di chei façolets di colôr che e use jê e e nete il nâs, sfreolantsal (Meni Ucel, La visite dal vescul)
Sin. doprâ
-
v.intr.
ancje impers., jessi di mode, jessi costum:
i levin cjantant sot il barcon une cjançon che e usave in chê volte (Alan Brusini, I ribei);
no si use plui a dî vecjo a dinissun: si dîs anzian (Riedo Pup, La none in cuço e Cutolo assolt)
Sin. lâ
-
v.tr.
[FÛ]
lâ dispès intun puest, vê bitince, frecuentâ:
grant part [dai scuelârs] vignarès a p[er]fezion di sienzio, vuljint elj usâ la scuelo (Anonim, Esercizis di version de scuele di nodârs di Cividât)
Proverbis:
- ce che al use nol fâs scuse
- ce che si use nol fâs scuse
- ducj use e ducj met la buse