Dizionari de Lenghe Furlane

doprâ  do|prâ  [FO]

1. v.tr. fâ che alc, massime une part dal cuarp o un imprest, al fâsi la sô funzion, par vê un risultât:  "Cjartute" al à une grande passion: al dopre lis fuarpiis di sô mari par taiâ lis figuris dai gjornâi (Checo Tam, Cjartute); e veve une gracie dute particolâr tal movisi, tal doprâ lis mans, tal fâ lis piçulis robis di ogni dì (Franca Mainardis, Il sium di Lissandri); filtris polarizadôrs (filtris Polaroid), vonde difondût e doprâts pai ocjâi di soreli (Marisa Michelini, Alberto Stefanel, La polarizazion de lûs)
   Sin. impegnâ , impleâ , tratâ , utilizâ
   Var. dropâ , doperâ
   
   1. cu la specificazion dal imprest o dal mieç, fâ une cierte azion, un ciert lavôr:  Anzuline, cumò, e cusive e e doprave il soprès dongje Vire, la sartore (Maria Forte, Cjase di Dalban); mê cugnade Menie e sa doprâ la gusiele miôr di tantis sartorelis culì ator… (Pieri Menis, Chei di Muraie); a veva scrit letari par mieza vita, ta chei timps, cuant che a erin in pôcj di lour bogn da dropâ la pena (Novella Cantarutti, Cjoso)
   2. meti sù un vistît, massime par une cierte ocasion:  la marsine cu la pistagne lustre che siôr Toni al doprave al Casinò, la bombete, i guants blancs (Alan Brusini, Come tai romançs)
   3. riferît a une lenghe, a une espression e v.i., fevelâ, dî, scrivi e v.i., massime cuntun ciert intindiment o intune cierte ocasion:  ocjo a doprâ lis peraulis justis (Christian Romanin, Amato De Monte: Il Friûl, patrie des bataiis di civiltât); il comun al dopre i toponims in lenghe furlane, dongje di chei uficiâi in lenghe taliane, in dutis lis situazions (Aministrazion Publiche, Statût dal Comun di Udin); Fortunazian di Aquilee (IV secul) al scrivè un comentari dai Vanzelis in "lenghe rustiche": al ven a jessi in chel lengaç che e doprave la int (Josef Marchet, Cuintristorie dal Friûl fin sot la Italie)
   4. vê une cierte ande, un ciert compuartament e v.i.:  cuant che a rivarin i Mucs, a i ze incuntri […]cuntun fâ da parona che a na veva mai dropât in vita sô (Novella Cantarutti, La agna Mia di Ristec)
2. v.tr. meti a pro une risorse:  dal 1946 lis Nazions Unidis a meterin sù une Comission che e studiàs in ce maniere che si podevin eliminâ lis armis atomichis e doprâ la energjie nucleâr par ûs pacifics (Alessandro Pascolini, Un mont cence armis nucleârs. Sfidis sientifichis e tecnologjichis); dilunc la roie a son 7 mulins e doi a son ancjemò in funzion ancje se a doprin la fuarce eletriche e no chê de aghe (Rino Gubiani, Studi da la evoluzion dal paisaç mediant i toponims)
   Sin. fâ reonâ , impleâ , meti a pro , meti in vore
3. v.tr. (fig.) meti in vore alc di imateriâl:  il podê politic al à doprât une tatiche plui cuvierte, al à spiât ai studiôs lis rispuestis che plui i varès plasût sintî (Franc Fari, Il cjâf dai furlans); sedi chei di çoc materialist che i idealiscj a dopravin i stes argoments par dimostrâ un une teorie e un la teorie ledrose (Fabian Ros, L'om che al pierdeve pinsîrs pe strade); doprant dute la pazience che al veve dentri vie, chel siorut al cirì di convinci Toni (Tarcisio Venuti, La cjase di Toni)
   Sin. cjapâ , cjapâ sù , cjoli , lâ daûr di , meti adun , meti sù , sielzi
4. v.tr. zovâsi de utilitât dal jutori di cdn. o di un animâl par otignî un risultât, par rivâ a une cierte finalitât:  al tacave la strade a pît par lassâ il cjaval al famei che lu doprave pai cjamps (Maria Forte, Cjase di Dalban)
   Sin. impleâ , ricori , usufruî
   
   1. gjavâ un vantaç di chei altris ma cence rispietâju o compensâju, trantantju tant che imprescj
5. v.tr. (pop.) vê sessualmentri cdn.:  l'ideâl al sarès rivâ a clonâ une Cicciolina par doprâle ogni tant, sì… no simpri… se no si fruie (Checo Tam, Sense)
   Sin. fotâ , sfotâ , foti , taconâ
   
   1. fâ violence sessuâl:  mi àn doprade ancje me, sâstu, par dret e par ledrôs, e mi è costât forsit di plui, lu àn fat par umiliâmi plui che par gjavâsi la voie (Carlo Tolazzi, La salamandrie tal fûc)
      Sin. fotâ , sfotâ , foti , violentâ
6. v.tr. (fig., pop.) imbroiâ o meti intune situazion negative, procurâ dam:  lui cu la sô muse a ponte nus fâs di sì cul cjâf, ma si viôt che al pense ad altri, cun chei voi che a vualmin a drete e a çampe. Al pâr che al disi: me no mi doprais, une ostie (Alan Brusini, Un dai pôcs)
   Sin. fâ sù , inculâ , infenoglâ , buzarâ , strabuzarâ , taconâ , freâ , freolâ , imbolognâ , fraudâ , imbroiâ , ingjanâ , raspâ , intorteâ , intortolâ

Proverbis:

• bisugne savê doprâ il len par nudrî la prole ben
• cuant che no 'nd è, no si po doprânt
• cuant che no si 'nd à, no si 'nd dopre
• cuant che no zove la reson, si dopre il baston
• cui che al à plui judizi, plui ind dopri
• cui che le à le dopre
• cui che nol à creance, no bisugne doprâle
• dopre prudence par cui che no 'nd à
• il pari bon al dopre il baston
• la creance bisugne savê doprâle cuant che e covente
• la prudence e je di cui che le dopre
• no je brie a doprâ, e je a mantignî
• par vivi a lunc covente doprâ scarpis vieris
• si à di doprâ chel che si à prin di lagnâsi di ce che nus mancje