Dizionari de Lenghe Furlane

impegnâ  im|pe|gnâ  [AF]

1. v.tr. fâ che cdn. al vedi di fâ une ativitât, che al vedi di meti lis sôs fuarcis, lis sôs capacitâts, il so timp in alc:  il lavôr mi à impegnât a lunc, plui di ce che o pensavi (Alan Brusini, Gian Paolo Linda, I forescj); dut il lavôr al è stât puartât indevant cun prestazions ocasionâls, colaborazions coordenadis, professioniscj esternis, impegnant tal complès su lis 40 personis (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
   Sin. meti sot
   
   1. obleâ a fâ alc:  il gno probarbe, che al jere plevan a Cjasteons, puar om, ta la ore che i Talians a son rivâts cu la massonarie… lu vevin impegnât a fâ il Te Deum (Francesc Placerean, La nestre storie)
      Sin. obleâ , costrenzi
2. v.tr. fâ che une risorse, une fuarce, il timp e v.i. a vedin un efiet, a sedin destinâts a une cierte funzion:  ogni cuâl volta che il soldât al ven in una ocasion di batisi cul nemì, [al scuen] impegnâ dutis lis sô fuarcis par podêlu superâ (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. doprâ
   
   1. previodi di doprâ alc, soredut bêçs, tal avignî:  pal 2012 a son stâts impegnâts 535 mil euros (Erika Adami, La promozion de lenghe furlane sui mass media)
      Sin. destinâ , meti
3. v.tr. fâ che alc nol sedi libar o disponibil par altris, cjapantlu o fasint savê che si lu cjaparà
   Sin. cjapâ , ocupâ
   Cfr. fermâ , prenotâ , risiervâ
   
   1. jessi intun ciert spazi, in maniere che nol sedi libar o disponibil:  al veve une famee grande che e impegnave puest (Maria Forte, I arcs); lis zonis abitadis a impegnin dome l'1% des tieris (Agnul di Spere, La pôre di Fidrì Job); i mi impensi di chei macs mâl infossegnâts che a impegnavin gots e vasuts sparniçâts par duti li stansii denant sants e muarts (Novella Cantarutti, Stagjon di rosi)
      Sin. cjapâ , ocupâ
   2. durâ un ciert timp o domandâ un ciert timp:  [la ricercje] e à impegnâts doi agns di scuele (Laurin Zuan Nardin, Luoghi e immagini della religiosità… e Sants e madonis a man drete)
4. v.tr. (ancje ass.) dâ alc tant che pegn in cambi di un prestit:  co ju veve finîts, no rivave a comandâsi e, pûr di bevi, e impegnave sul Mont parfin lis coltris (Gianni Gregoricchio, Barbe Masaniello); il mont di pietât, l'impegnâ e il dispegnâ a fasin part de mentalitât e de culture dal triestin (Riedo Pup, Tanto cjapo e tanto magno)
   Sin. meti in pegn
   Cfr. meti sul mont , puartâ sul mont , ipotecâ
5. v.tr. meti in dovê di fâ alc in fuarce di ce che si à za decidût o concuardât:  o vin ancje di tignî cont ce che e à permitût la leç Bassanini, cu la redazion di passe 100 Statûts che a impegnin i Comuns a pupilâ la lenghe furlane (Luche Nazzi, Il prin pas ai Comuns)
   Sin. leâ , obleâ

Proverbis:

• cui che al fâs une bausie si impegne a fânt cent