meti sot
[AF]
-
loc.v.
meti in posizion plui basse:
la froducje e va dentri e i file tra i dêts un vin ros come sanc di jeur. E metin sot un cjadin, e gjavin la froducje, e fûr imburît ad in spissul il vin che al spandeve pe cjanive un odôr di freule di fâ vignî la aghe in bocje (Catarine Percude, La fuiace de Madone)
-
meti alc li che no i fasin dam soreli e ploie:
no stâ a lassâ fûr la biciclete, metile sot
-
loc.v.
intune barufe o inte lote, stâ parsore di un altri tignintlu jù par tiere:
une volte Firmato al veve metût sot Santin e lu muardeve su la muse, come un cjan, e se lis dôs feminis no fossin corudis, cuissà ce che al podeve sucedi (Gianni Gregoricchio, Îr e doman)
-
loc.v.
in riferiment a animâi, preparâju par tirâ un mieç di traspuart:
al met sot il cjaval e si invie (Zaneto)
Sin. tacâ sot
-
loc.v.
dominâ, imponi a cdn. di ubidî:
"Cjo! No soi migo une di chês che e si lassin meti sot facilmentri jo ve!" (Pieri Piçul, Vieri e gnûf);
"E cussì il paron de fabriche us à metûts sot e il segretari politic, nancje dîlu, us mene pal nâs […]" (Pieri Somede dai Marcs, Un pugn di moscjis)
-
loc.v.
fâ che cdn. al fasi alc cun impegn:
parincj e amîs a cirivin di discjolilu, e a vevin metût sot ancje il podestât parcè che lu fasès jentrâ in reson (Pieri Somede dai Marcs, Nardon e Vigjute di Nani);
Agnul al jere ancjemò frut cuant che lu àn metût sot a vore par cjase e pai cjamps (Pieri Menis, Chei di Muraie);
il prof nus à metût sot a fâ detâts (Jenny Clozza, Une biele ocasion di imparâ)
Cfr. meti a vore
, meti in vore
-
loc.v.
sepulî, meti te tombe:
chel forest lu salude e po i domande [al pizighet] dulà che e jere la sepulture di Ane Tovin. «Ane Tovin? … Ane Tovin? ! … No le ai metude sot jo… e devi jessi un grum di agns che e je muarte… E je sigûr là…» (Pieri Menis, Un macet di sanmartinis);
al è stât metût sot cence funerâl e cence crôs (Cristina Noacco, Faliscjis)
-
loc.v.
tratâ intune cierte maniere, cun cierts procediments o ciertis sostancis:
lu àn metût sot medisinis deliriolitichis e a àn aumentât lis dosis di antiepiletics (Franc Fari, Il cjâf dai furlans)
Components:
-
meti
v.tr.
-
sot
prep., av., adi.inv., s.m.sing.