tacâ sot
[BF]
-
loc.v.
(ancje ass.)
meti sot dal jôf:
contadins, tacait sot / par spandi e par arâ, / che il timp si po mudâ (Pieri Çorut, Il Strolic furlan par l'an 1851)
-
loc.v.
(ancje ass.)
scomençâ a fâ alc, soredut cun impegn:
dopo lât fûr tu, trê cuarts de robe e son stâts sassinâts par paiâ i tiei debits. Vendude la Mont di mieç; vendût il bosc dai Lungjins; vendût il stali e i prâts sot il Clap grant… Virgjinie e à tacât sot ; e, lavorant di comedons e di cjâf, e à fermât il slac… (Ercole Carletti, Il çoc)
Sin. començâ
, scomençâ
, metisi sot
, tacâ
-
loc.v.
(ancje ass.)
scomençâ a fevelâ, a dî alc, a recitâ, a cjantâ e v.i.:
intant che o cjantavin lis litaniis dal Rosari […] mê comari 'Sese e tacave sot prin di chês altris e po e finive dopo di ducj (Josef Marchet, Lis predicjis dal muini);
a tacarin sot a discori argoments resints pes orelis di Toni (Tarcisio Venuti, La cjase di Toni)
Sin. començâ
, scomençâ
, dâ sot
, tacâ
Components:
-
sot
prep., av., adi.inv., s.m.sing.
-
tacâ
v.tr., v.intr.