destinâ
des|ti|nâ
[FO]
-
v.tr.
fissâ tant che destin:
prepariti cun rassegnazion a scontâ i tiei pecjâts tes flamis dal infier secont che la justizie divine a à destinât (Carlo Tolazzi, La salamandrie tal fûc);
jo no ai plui une famee, e la colpe no je ni mê ni di nissun: Chel là sù al à destinât cussì (Josef Marchet, Lis predicjis dal muini)
Var. distinâ
-
v.tr.
decidi che alc o cdn. al vedi une cierte funzion, un ciert puest di vore e v.i.:
il rest dai colons al è stât destinât a infissî la popolazion di Resistencia, Caroya e Sampacho (Javier Grossutti, La emigrazion dal Friûl - Vignesie Julie in Argjentine e in Uruguay);
a Gurize nol coventave, e alore lu àn destinât in Sicilie (Ivano Urli, Storie di Min);
e je ore di destinâ plui timp a gjoldi di ce che si à che no a lamentâsi di ce che al mancje (Riedo Pup, Bastarès fâ Nadâl dut l'an)
Sin. assegnâ
, dedicâ
, meti
-
dâ alc di fâ, une funzion e v.i.:
Done Pine e jere za in pins, come ogni dì, a preparâ la gulizion ai fameis, a viodi te stale se dut al jere in ordin e lis bestiis passudis, a destinâ i lavôrs de zornade (Pieri Menis, Chei di Muraie)
-
dâ un puest, une sistemazion e v.i.:
a Vera i destinin cumò la puarte di cjase e il jet indulà poiâ vie pe gnot la sô strache e i siei vues (Ivano Urli, Storie di Vera)
-
v.tr.
dâ a cdn., massime pal futûr:
il vieli di cjase, tal so test, al veve destinade dute la robe ai trê erêts direts (Franca Mainardis, Il sium di Lissandri)
Sin. consegnâ
, dâ
, dâ fûr
, dâ in man
, molâ
, tribuî
, lassâ
-
v.tr.
fâ une sielte, cjapâ une decision rispiet a alc che si vûl fâ:
cuant che a i comode: che al coli il mont, cuant che al à destinât di lâ, al va (Anute Fabris, A passe la scalmane);
nol veve ancjemò destinât dulà che al veve di fermâsi la gnot (Carlo Sgorlon, Prime di sere)
Sin. decidi
, sielzi
, dî
-
v.tr.
segnâ cu la indicazion dal destinatari:
destinâ la propueste dal progjet al assessôr pe culture e, par cognossince, al sindic
Sin. indreçâ
, mandâ