Dizionari de Lenghe Furlane

dâ in man    [AF]

1. loc.v. dâ alc a cdn. che al cjape chel alc cu lis mans:  mi à dât in man la cisile, al à viert i barcons, il soreli al jere za alt e la lûs de matine e jere calme e sflandorose; jo, cu la cisile in man, mi soi metude sul barcon, o ai alçât i braçuts e o ai viert lis manutis (Isa Dorigo, La cisile)
2. loc.v. (fig.) lassâ un cualsisei cefâ a cdn., che lu cjape sot de sô responsabilitât:  i conseîrs di Sarsêt, cun a capo Basili Borot e Bepo Bidin insiemi cuntun Griôr di Nearêt, si son oponûts disint che la cjase e voleve fate intun puest cuiet, fûr di man. Ma il cont Checo al veve za dât in man i lavôrs al inzegnîr Polverosi (Riedo Pup, Il façolet dal Dacian); il mestri Moreto nol veve fate nissune scuele di mestri: al jere stât maressial cui soldâts dal re di Italie, e maressial al jere restât ancje cun noaltris fruts, dopo che i vevin dade in man la scuele (Josef Marchet, Lis predicjis dal muini)

Components:

• dâ v.tr., v.intr.
• man s.f.