Dizionari de Lenghe Furlane

consegnâ  con|se|gnâ  [FO]

1. v.tr. dâ alc a cdn. par che lu tegni, par vie di une decision, di un dirit, di un rapuart di fiducie e v.i.:  a 'nd ai sintudis come un mus, parcè che invezit di consegnà une letare a la fie, le ai consegnade a sô mari (Pieri Somede dai Marcs, A la oselade); il discors al jere inmò fer sul tesaur cjatât, che lu vevin consegnât di tignî al plevan e metût tal casson di fier de glesie (Dino Virgili, La aghe da pît la cleve); la femine i consegnà la clâf [de cjamare cjapade a fit] e i de la man, disint ancje il so non. Si clamave Rita De Luca. Eliseo i strenzè la man (Carlo Sgorlon, Prime di sere)
   Sin. assegnâ , dâ , fâ vê , lassâ , meti in man
   
   1. lassâ cdn. a cdn. altri, che al devente responsabil:  e je rivade la buine gnove: miercus nus consegnaran une frutine sfolade di Milan. La mê femine e vûl lâ a Udin a cjolile (Pieri Somede dai Marcs, Fieste in famee)
      Sin. dâ , lassâ
   2. dâ alc in maniere uficiâl:  chei dal Comun i consegnarin une medaie pes sôs benemerencis di vuardian, co al le in pension (Lucio Perès, Vigji il vuardian); a Udin, il gjenerâl Auer, al consegnà, cence nissune resistence, la citât e lis dôs fuartecis furlanis al Comitât provisori; al lassà in libertât chei soldâts che no volevin restâ sot la Austrie e al si tirà cun chei altris a Gurize (Josef Marchet, Cuintristorie dal Friûl fin sot la Italie); tal Març dal 1982 une delegazion dal comitât promotôr e va a Rome par consegnâ ae presidente de Cjamare dai deputâts Nilde Jotti 35 mil firmis (Max Mauro, Un Friûl difarent: i 90 mhz di Onde Furlane)
      Sin. assegnâ , dâ
   3. fâ vê a un client une marcjanzie, un lavôr finît e v.i.:  vuê il pitôr al consegnarà il cuadri (Costantino Smaniotto, Co l'amôr al cimie)
      Sin. dâ , lassâ
   4. (fig.) dâ a cdn. o a un grup, une istituzion e v.i. alc di imateriâl, tant che un sintiment, une idee, une responsabilitât e v.i.:  il Congrès al à viodût in noaltris l'entusiasim de prime ore e nus à consegnade la sô sperance di salvâ il Moviment (Adrian Cescje, Memoriis di politiche linguistiche); il politicantut di provincie che al rive adore di deventâ conseîr comunâl o deputât, se nol vûl tornâ indaûr, al scugnarà consegnâ la sô cussience civîl ae direzion dal partît (Josef Marchet, Dissipline)
      Sin. lassâ , meti , rimeti , dâ
   5. (fig.) lassâ tant che risultât, tant che consecuence:  lis elezions europeanis nus àn consegnât un parlament cun tancj di lôr che a son cuintri dal euro (Patrizia Tiberi Vipraio, Euro o no euro: isal chest il probleme?)
      Sin. da , lassâ
2. v.tr. [TS] milit. punî un soldât imponint che al resti in caserme ancje tes oris che al sarès libar