rimeti
/-è-/
ri|me|ti
[AF]
-
v.tr.
[BF]
meti di gnûf o meti plui voltis
-
fâ che alc o cdn. a tornin a jessi intun ciert lûc o intune cierte situazion, cundizion, funzion e v.i.:
oh! cumò po ai di fâ justâ il porton / e rimeti un lastron; / mi àn rot ancje il ferâl, / e chest l'è il maiôr mâl (Pieri Çorut, Il gustâ);
e varà cjapât a ducj lis cjicaris e lis varà rimetudis a puest (Anute Fabris, A passe la scalmane)
-
v.tr.
[TS]
sport
in cierts sports, tant che il balon o la bale tal zei, tornâ a meti la bale in zûc
-
v.tr.
[BF]
(fig.)
tornâ a dâ fuarce, salût
-
v.tr.
dâ in man a cdn. une responsabilitât, une decision o sim.:
a Julija Bizjak Mlakar e je stade rimetude la deleghe ae culture (Tjaša Gruden, Alenka Bratušek, prime femine a vuidâ il guvier di Lubiane)
Sin. passâ
-
v.tr.
patî une pierdite, un disvantaç:
a rimeti, invezit, pro e capitâl, al fo nome il Diaul, che in sostance al jere la uniche persone stranie a dute la facende (Alan Brusini, Un om dinigrât);
scuasit scuasit, a rimetevin ancje la cjamese (Alviero Negro, Int di masnade)
Sin. discapitâ
, lâ sot
, pierdii
, restâ sot
, pierdi
-
v.tr.
rinunziâ a rivalêsi di cdn. rispiet a un debit, une colpe e sim.:
il Jubileu che cu lis sôs indulgjencis nus rimetarà ducj i pecjâts (Lucian Verone, Il Strolic furlan pal 1999)
Sin. abonâ
, bonâ
, condonâ
, fâ bon
, parâ
, scusâ
, tirâ jù
, tirâ tresse
, perdonâ
-
v.tr.
[BF]
(ancje ass.)
butâ fûr ce che si à mangjât o bevût:
fami un cafè, invezi, che o ai come un tulugn sul stomi, e mi ven di rimeti (Vuarbite, Il puint)
Sin. gumitâ
, butâ fûr
, rindi
-
v.tr.
destinâ a di un altri moment:
"No si podarès rimeti [il preliminâr di matrimoni] di doi, trê dîs?" (Ercole Carletti, Mariute);
a vevin decidût di rimeti dut al indoman, e a jerin lâts a durmî (Agnul di Spere, Messe di misdì a Varsavie)
Sin. prorogâ
, intardâ
, inzornâ
, posponi
, sprolungjâ
, rimandâ