fâ bon
[AF]
-
loc.v.
jessi viert a acetâ une propueste, un mût di fâ, une persone e v.i.:
cualchi cjamp lui lu vendeve facil. Pluitost e scugnive doprâsi jê, siore Lise, par che no lu vessin imbroiât, che ancje une volte al veve fat bon a Jacum Cjaset e al jere restât tradît, e no le veve gran suiade cun pôc (Maria Forte, Cjase di Dalban);
no si compuartave come chei tancj che, subit che une frute ur fâs bon, a scomencin a fevelâ gras e no tegnin lis mans a puest (Meni Ucel, Misure)
-
loc.v.
ricognossi che cdn. o alc al va ben par fâ une cierte funzion:
lu vevin fat bon pal militâr (Alviero Negro, Chel moscjo dal gno von)
-
loc.v.
fâ che alc, soredut un proviodiment, al sedi ricognossût, che al vedi valôr, che al jentri in vore:
si sa che par implantâ cheste forme di democrazie si scuen jessi in pôcs: tancj di podê stâ ducj intun salon o intune place, indulà che alçant la man si puedi fâ buine une leç o sielzi un sorestant (Josef Marchet, …come che e diseve la gjate di Aquilee);
la maiorance dai deputâts a àn, dut câs, tignût dûr e la leç e je stade fate buine (Arnalt Baracêt, La bataie no je finide)
Sin. passâ
, ratificâ
, sanzionâ
, validâ
, votâ
, aprovâ
, fissâ
, promulgâ
-
loc.v.
fâ che alc al sedi tignût in cont:
il Signôr al ti farà bon il to sacrifici, e al ti perdonarà lis tôs mancjancis (Ercole Carletti, Mariute)
-
loc.v.
[TS]
venat.
dal cjan, mostrâ di vê cjatât il salvadi:
ah! se tu lu viodès co voi a cjace / a lâ pai cjamps, pai boscs infuriât, / fin che al fâs bon di cuaie o gjalinace! (Pieri Çorut, Il mio cjan);
il cjan al à tacât a fâ bon tor i bârs di zanevri che al sinteva alc (Novella Cantarutti, Sacrup)
Components:
-
bon
adi., s.m., inter., av.
-
fâ
v.tr., s.m., v.intr.