votâ
vo|tâ
[AF]
-
v.tr., v.intr.
(ancje ass.)
sielzi insiemi cun altris cuntune elezion:
i comelianots a son stâts cun me plui bogns di ce che i pisans a son stâts cun Dante. […] Me, a àn sôl fat di mancul di votâmi tas elezions dal '80 (Giorgio Ferigo, In forma di peraulas…);
la int e à vût il sintiment di infotâsi dai partîts e di votâ listis indipendentis (Josef Marchet, Barufis);
a jerin stâts preparâts ancje i cjars che a vevin di menâ la int a votâ, in mût che […] ducj a saressin stâts a votâ e che a varessin votât, ben si intint, a pro dal guvier fassist (Pieri Somede dai Marcs, Lis votazions)
Cfr. balotâ1
, elei
-
di orghin decisionâl, someti a une votazion, soredut in maniere secje par fâ passâ o par mandâ indaûr une decision, une leç, un proviodiment e v.i.:
il test di leç al jere stât aprovât de Cjamare dai deputâts, ma al jere il pericul che la fin de legjislature no permetès di fâlu votâ ancje dal Senât (Max Mauro, Un Friûl difarent: i 90 mhz di Onde Furlane)