scusâ
scu|sâ
[AF]
-
v.tr.
concedi il perdon:
[il plevan] no podint sopuartâ plui chês vitis [dai zaguts], al moment de consacrazion, cu la int inzenoglade, al à poiât la particule sul altâr e al à corût daûr a Tion […]. Il Signôr al varès scusât… (Cristina Noacco, Faliscjis)
Sin. perdonâ
-
ancje in formulis di cortesie par introdusi un discors, par domandâ il permès e v.i.:
"O vês di scusâ, siôr Moràs… no varès volût disturbâus…" al començà sentantsi sul cjadreon. (Pieri Menis, Sul agâr);
"Che al scusi siôr nodâr - e disè - ma nol è ce che lui al crôt." (Pieri Somede dai Marcs, Anzule);
"Siore, o soi a pene rivât di lontan, e à di scusâmi se le disturbi a chestis oris" (Alan Brusini, Gian Paolo Linda, I forescj)
-
v.tr.
dâ une justificazion o fâ di justificazion, ancje par alc che nol sarès just:
sflandocjis che ogni guvier, in ogni part dal mont, al predicje cuant che al à di scusâ une vuere che al vûl imponi al popul (Roberto Ongaro, Cretevierte);
"Simpri pront a scusâle, tu" (Pieri Somede dai Marcs, Barbane)
Sin. justificâ
-
v.intr., v.tr.
(fig.)
fâ une cierte funzion, jessi ecuivalent:
ti ai bussât la prima volta / sot lis fueis di un tistignâr / dongja un bâr di cassia folta / che scusava da ripâr (Vittorio Cadel, Ti recuarditu?);
se covente, il pan di sorturc al scuse chel di forment (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. servî
, fâ
-
(ass.)
fa la proprie funzion, vê utilitât:
a son biei bêçs pe lôr miserie… Ogni palanche e scuse, in cjase lôr… (Maria Forte, La tiere di Lansing)
Sin. vâl
, tornâ cont
, tornâ bon
, zovâ
Proverbis:
- il stupit se al fale al ven scusât ma il savi no
- in timp di vuere ogni arme e scuse