Dizionari de Lenghe Furlane

rindi  rin|di  [FO]

1. v.tr. (ancje ass.) dâ come util, fâ vuadagnâ:  Herr Müller lu veve tignût di capuçat parcè che i rindeve (Maria Forte, La tiere di Lansing); il cjarvonêr al fai i conts in cjâf il fouc distudât: il bosc di Viea a i à rindût na tassa di cjarti da cent (Novella Cantarutti, I cjans di not); cuant che si risulte tant puars […] al vûl dî: o che no si à cuele di lavorâ, o che no si è bogns di lavorâ, o che si à sielt un mistîr che nol rint (Riedo Pup, Une robarie ogni miezore)
   Sin. dâ , fâ , frutâ , produsi
2. v.tr. (ancje ass.) fâ vê tant che prodot:  un sgrusui che nol paie la strussie, che al rint dome cjanussis (Maria Forte, Cjase di Dalban)
   Sin. fâ , ufrî
3. v.tr. (ancje ass.) produsi un efiet positîf:  se i capite la fortune di pescjâ a pene il doi di briscule, garantît che chel doi lu fâs rindi tant che un as (Riedo Pup, Politiche estare dal Friûl); une buine opare cuissà cualchi volte ce che e po rindi… (Pieri Somede dai Marcs, Vilie di Nadâl (teatri))
   Sin. butâ , dâ , fâ , jentrâ , produsi , reonâ , vignî
4. v.tr. fâ deventâ:  chê grant passion par la art che rint amîs e fradis i umign ancje se son di nazion e di raze divierse (Zuan Lurinçon, La Madalene); il gnûf formalisim sientific al rindeve simpri plui impussibil formulâ domandis "metafisichis" in forme "sientifiche" (Sergio Cecotti, Teologjie algjebriche); la esperience lu rint om di mistîr (Pieri Çorut, Il mût di fâsi siôrs)
   Sin. fâ , ridusi
5. v.tr. fâ capî, comunicâ, dâ une buine rapresentazion:  la traduzion par furlan e rint plui clarementri il pinsîr di Einstein che no altris versions che a ripuartin la traduzion leterâl dal test todesc (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane); i fotografs professioniscj a rivin a rindi dut miôr cu lis lôr tecnichis e i zûcs di lûs (Checo Tam, La maree nere)
6. v.tr. comunicâ, fâ savê:  o ai pensât di rindi cheste testemoneance e di consegnâ il materiâl al Museu Civic di Udin (Lucio Perès, Une lance longobarde cjatade a Baracêt)
   
   1. comunicâ cun formalitât:  "O vignìn a rindii i onôrs dal paîs…" a diserin (Dino Virgili, La aghe da pît la cleve)
7. v.tr. (eufem.) butâ fûr ce che si à mangjât o bevût:  o ai scugnût cjapâmi sù e lâ intun altri scompartiment, se no o rindevi il gustâ, di tant che mi vevin ingomeât (Josef Marchet, Lis predicjis dal muini)
   Sin. rindi fûr , butâ fûr , gomitâ
8. v.tr. [BF] pleâ, bati, obleâ a rindisi:  la agna Arminia che a era fata a la sô moda […]. A veva cjâf e cour e un temperamint che, cui la rindeva? (Novella Cantarutti, Stagjon di rosi)
9. v.tr. [BF] (ancje fig.) dâ o dâ indaûr alc che si veve vût, o alc in cambi di ce che si veve vût, ancje in riferiment a robis astratis o a cundizions, situazions e v.i.:  jo i ti rint il gno amôr, la libertât (Giorgio Ferigo, La lienda da contessa Priola)
   Sin. restituî , dâ , tornâ indaûr , tornâ , dâ indaûr

Polirematichis e espressions idiomatichis

• fâ rindi loc.v.
• rindi cont loc.v.
• rindi fûr loc.v.
• rindi i conts loc.v.
• rindi justizie loc.v.
• rindi merit loc.v.
• rindi public loc.v.

Proverbis:

• plui e pent e plui e rint