produsi
/-ù-/
pro|du|si
[FO]
-
v.tr.
(ancje ass.)
fâ nassi e svilupâ, furnî tant che risulte di un procès naturâl:
lis plantutis a son stadis metudis tal cjamp e cressudis par doi agns. Al tierç an a àn scomençât a produsi ue (Enrico Peterlunger, Storie curte de vît in Friûl);
un blec di tiere che e prodûs sì e no un zei di pomodoros o fasûi (Pieri Somede dai Marcs, La veretât e va ben simpri dite)
Sin. dâ
, fâ
Var. produzi
, pradusi
, prudusi
-
v.tr.
(ancje ass.)
realizâ tant che risultât di un lavôr agricul, artesanâl o industriâl o ancje artistic, mentâl, creatîf e v.i.:
o vin tacât cun sîs mil butiliis fin a rivâ aes setantesîs mil che o produsìn in dì di vuê (Redazion il Diari, Il paleontolic dal vin furlan);
il persut di Sant Denêl al ven ancjemò produsût cu lis tecnichis di une volte (Oscar Puntel, Un persut unic par un lûc unic);
jê e cognosseve la sô nature di furmie e di âf, nassude par lavorâ, produsi, creâ, e tornâ a scomençâ dopo ogni batoste e ogni disgracie (Carlo Sgorlon, Ombris tal infinît)
Sin. fâ
, fabricâ
, realizâ
, creâ
Cfr. dâ dongje
, meti adun
, meti dongje
-
v.tr.
dâ un risultât o efiet di un procès biologjic, fisic, chimic e v.i.:
intal pancreas a son ciertis glandulis che a produsin la insuline e che cheste sostance e mancje o si sbasse intai diabetics (Guglielmo Pitzalis, Scuvierzi il diabete);
lis lesions al lobi parietâl di drete a puedin produsi ancje une paralisi dal braç e de gjambe di çampe (Franc Fari, La evoluzion dal çurviel e de cussience tai vertebrâts)
Sin. creâ
, dâ
, disvilupâ
, fâ
, svilupâ
-
v.tr.
dâ un efiet, une consecuence, e v.i. in gjenerâl:
lis tecnologjiis, che a son dal om, se di une bande a svilupin soluzions, di chê altre, a produsin gnûfs contescj e gnûfs problemis (Erika Adami, La tecnologjie e devente cjalde);
e je une cjosse infalibile che la insinceritât sistematiche e prodûs la incredulitât sistematiche (Josef Marchet, Il pietin e il grop)
Sin. adusi
, causâ
, determinâ
, procurâ
, promovi
, proviodi
, provocâ
, puartâ
, puartâ dongje
, sincirâ
-
v.tr.
(fig.)
di un lûc, ambient artistic, culturâl, e v.i., fâ vignî fûr personis di une cierte sorte:
il nestri paîs di mil e sietcent animis in trê frazions, al à produsût e al prodûs cjochelis, barabis, imbroions, massepassûts, bogns di nuie (Josef Marchet, Lis predicjis dal muini)
Sin. fiâ
, procreâ
, prolî
-
v.tr.
inmaneâ e prudelâ la realizazion di une opare cinematografiche, televisive, e v.i.:
il prin film di finzion par furlan al è Maria Zef di Vittorio Cottafavi che al ven produsût de sede RAI pal Friûl - Vignesie Julie tal 1981 (Fabian Ros, Il cine furlan)
-
v.intr.
vê un aspiet, une someance:
biel al pradûs al baràs blanc sflandorôs, bielon al piarsolâr colôr di rosa (Ugo Pellis, Al mandolâr);
e la bocje prodûs perle e rubin (Ermes di Colorêt, I, 188);
cheste Italie che e sta scjadint, mi prodûs un malât sidiât di un disordin di miedis che a tirin fûr une medecule daûr chê altre (Josef Marchet, E ce aviliment?, cheste biade Italie!)
Sin. someâ
, parê1
-
dâ une cierte impression:
al veve une pachee, che nol produseve di puartâ fûr zornade (Dino Virgili, La aghe da pît la cleve);
l'è Zenâr che al ven in sene / al prodûs di neveâ (Pieri Çorut, Il Strolic mezan. Pronostic par l'an 1855)