provocâ
pro|vo|câ
[AF]
-
v.tr.
jessi cause o origjin di un efiet, di une consecuence, di une reazion e v.i.:
[la grafie] e à di jessi semplice e no à di provocâ problemis pratics te riproduzion mecaniche dai tescj (Xavier Lamuela, La grafie furlane normalizade);
il sucès des dôs operazions al provocà un grant entusiasim popolâr (Giovanni Pillinini, Zuan Batiste Cavedalis - Une vite esemplâr)
Sin. causâ
, origjinâ
, stiçâ
, movi
, dismovi
, fâ nassi
, produsi
-
v.tr.
fâ alc di pueste par sustâ cdn.:
"[…]Cui che al fume nol ven considerât un bon patriot!… No bisugne fumâ par no fâ guadagnâ al guviar [austriac]!…" […] "[…] I soldâts e van fûr a spas cun doi sigars in bocje, par provocâ la int…" (Arturo Feruglio, In cîl e je une stele!…);
Rico lu provocave, lu coionave parcè che chel frut al jere grues (Checo Tam, I nemîs)
Sin. tirâ a ciment
, stiçâ
, sustâ1
-
v.tr.
compuartâsi in maniere di causâ ecitazion sessuâl:
"[…] mi incjoche cul so profum. O varès voie di fâ l’amôr ma…" "Ti provoche e vonde. Tu tu sês dome un zugatul par jê. Jê e à dome voie di jessi adulade […]" (Checo Tam, Ecstasy)
Sin. ecitâ