dismovi
/-ó-/
dis|mo|vi
[AF]
-
v.tr.
fâ che cui che al duar si svei:
nol rivave mai a durmî un sium vêr. Lu dismoveve a cinc a buinore l'infermîr che al vignive a misurâi la fiere; a siet e rivave la diplomade pes punturis (Amedeo Giacomini, Tal ospedâl);
tal vagon e jere pocje lûs e lui nol veve volût impiâ il lusôr eletric par no dismovi un vieli che al durmive (Agnul di Spere, Chê dì che al neveà a Vignesie)
Sin. dessedâ
, discjantâ
, disdurmidî
, dissumiâ
, disveâ
, scjalterî
, sveâ
, sveuçâ
-
v.tr.
movi, meti in moviment alc:
une bale [di sclope] e sfrosave tes fueis e po e bateve sul mûr dismovint une fumade di pulvin (Dino Virgili, Devant di dut il cîl)
Sin. movi
, scjassâ
-
v.tr.
(fig.)
tirâ fûr un argoment, une cuistion, une situazion che aromai e jere acetade o almancul sopuartade o dismenteade:
parcè lâ a dismovi chestis robis? […] No, no Tavin, no stin a lâ a dismovi il passât (Dino Virgili, La aghe da pît la cleve);
si jere stufât di stâ a contâ ogni volte che al vignive un parint o un amì la sô storie e a dismovi ogni volte chel torment di no savê nuie di Vigjute (Pieri Menis, Sul agâr)
Sin. movi
, sveâ
, disveâ
-
v.tr.
(fig.)
provocâ une reazion o un efiet:
al pâr dal impussibil che une cuistion di interès e vebi di dismovi tante asse e tante rabie (Josef Marchet, Lis predicjis dal muini);
il timp no le bonave, ma i dismoveve pôris simpri gnovis su ce che al podeve nassi di piês (Maria Forte, Cjase di Dalban)
Sin. causionâ
, discjadenâ
, disveâ
, ecitâ
, fâ nassi
, produsi
, movi
, provocâ
, scjaldâ
, tiziâ
, saborâ
, cuziâ
, sburtâ
, pocâ
, stiçâ
, tirâ sù
-
v.intr.
viôt dismovisi
:
i jere dismot il deliri, al tremave tant che une fuee di pôl e al butave la bave tant che un cjan rabiôs (Roberto Ongaro, Cretevierte)