scjassâ
scja|ssâ
[FO]
-
v.tr.
movi cun fuarce o sveltece, ancje plui voltis:
"[…] Guri, sintistu?" lu scjassà pal braç (Dino Virgili, La aghe da pît la cleve);
il 6 di Mai dal '76, a lis 9 e minûts sot sere, un taramot trement al à scjassât il Friûl massime su la prime linie des monts (Francesc Placerean, Cuintristorie dal Friûl dal 1866 fint in dì di vuê);
un scriç al scjassave la code su la rame plui basse di un pin (Amedeo Giacomini, Tal ospedâl)
Sin. sacodâ
, spacâ
, remenâ
, sdrondenâ
-
v.tr.
(fig.)
colpî cun violence la emotivitât di cdn., fâ impression, pôre e v.i.:
une scjarie di colps che si pierdè tal aiar… Come un rivoc cence fin che ducj a jerin usâts a sintî. Che nol scjassave plui nissun,… in chê lûs fusilade a buinore (Maria Forte, Cjase di Dalban)
Sin. conturbâ
, impressionâ
, sbarlufî
, sconciertâ
, sconvolzi
, scossâ
-
v.tr.
(fig.)
movi, dâ un stimul, che al pues jessi ancje negatîf o traumatic, massime cu la finalitât, l'efiet o la pussibilitât di cambiâ une situazion:
lis tensions che a vevin scjassât il grup fondadôr a jerin personâls e politichis (Max Mauro, Un Friûl difarent: i 90 mhz di Onde Furlane);
vie pal secul XVI la Europe e je scjassade di cetantis rivoltis popolârs (Carli Pup, Il Friûl de Joibe Grasse dal 1511);
se un scandul al scjasse un partît, pronts a zurâ che ducj i partîts a son scandalôs (Riedo Pup, Filosofie padronâl)
Sin. dâ une scjassade
, dâ une sdrondenade
, dâ une spacade
-
v.tr.
fâ vignî fûr dal sium o ancje di un straviament, di un pinsîr e v.i.:
jê e veve començât a pisulâ su la taule. Ma i pugns e i sberlons dai zuiadôrs le scjassavin (Alan Brusini, Amîs come prime)
Sin. dismovi
-
v.intr.
movisi cun fuarce, ancje cun moviments ripetûts:
a pene che al è lât a mont il soreli, ve la tiere che e scjasse, ve il cîl che al tarlupe; la buere si scjadene e tu sintis il berli dal montafin (Josef Cjargnel, Il Lâc di Cjavaç);
un tren che de Ucraine in Gjermanie al sdrondene, al scjasse, mo al cor cul so bot cuant che al dîs di cori, mo si ferme par oris e oris se al dîs di fermâsi (Ivano Urli, Storie di Vera)
Sin. scjassâsi
, spacâsi
, sacodâsi
, tremâ
, sdrondenâsi
, sdrondenâ
Polirematichis e espressions idiomatichis