tremâ
tre|mâ
[FO]
-
v.intr.
vê vibrazions o sgrisui:
al veve une vôs che a tremavin i veris e e trindulave la clocje cuant che al cjantave (Meni Ucel, Messe a straoris);
al jere sentât in bande, blanc in muse come un peçot e tremant tant che une fuee di pôl (Pieri Menis, Il fi de Rosse);
al vieli i tremavin lis mans (Dino Virgili, La aghe da pît la cleve)
Sin. tremolâ
Var. trimâ
, tramâ2
Cfr. vibrâ
, sgrisulâ
, sgrisulâsi
-
de vôs, vignî fûr cun inciertecis, massime par vie de comozion, de pôre e v.i.:
la int e veve pôre, la vôs dai viei e tremave, i fantats a vevin i voi lusints (Dino Virgili, Il cûr te tiare)
Proverbis:
- e treme la code dal mus, ma no cole mai
- miôr sudâ che no tremâ