Dizionari de Lenghe Furlane

sgrisulâsi  sgri|su|lâ|si  [AF]

1. v.pron.intr. tremâ di frêt:  chês femenutis culì si sgrisulin di frêt e divuardi che no ur vegni une ponte! (Josef Marchet, Lis predicjis dal muini)
   Sin. tremâ , sgrisulâ , ingrisignîsi , insgrisulâsi , tremolâ , ingrisulâsi , ingrisulîsi
   Var. grisulâsi , sgrisulîsi , grisulîsi
   Cfr. bati brucjis , bati i dincj
2. v.pron.intr. (ancje fig.) vê o mostrâ moviments piçui svelts e ripetûts, ancje no pal frêt:  la aghe muarte dal palût si sgrisule di un scraçolâ di crots e dal scrosopâ fis dal cjanêt (Dino Virgili, Bocje da ridi)
   Sin. tremâ , sgrisulâ , ingrisignîsi , insgrisulâsi , tremolâ , ingrisulâsi , ingrisulîsi
3. v.pron.intr. vê impression, pôre, orôr o sim.:  tant patît e brut che al è di sgrisulâsi dome a jodilu (Alviero Negro, Il famei dal contin); cualchidun al pensave, sgrisulantsi, che a podevin sei come nuie i muarts dismots dal simitieri (Dino Virgili, La aghe da pît la cleve); pensait se a fossin vîfs i nestris vecjos! Si sgrisularessin e nus domandaressin: ma ce smanie us aie cjapâts, dulà vêso il sintiment, dulà intindêso e dulà crodêso di rivâ? (Riedo Pup, No sin bogns di fâ fieste)
   Sin. insgrisulâ , insgrisulâsi , sbalsamâsi , sbarlufîsi , scaturîsi , sgrisulâ , scaturî