Dizionari de Lenghe Furlane

bati i dincj    [CO]

1. loc.v. tremâ par frêt, pôre, fiere e v.i.:  "Eco cimût che il puôr paia cjara la sô miseria. Il siôr ja la farina a doi carantans; e i lens in abondança ancja di Inviar, cuant che nualtris batìn i dincj come cui che ja la fievera!…" (Federigo Comelli, Il me paîs); alore Deline e sintì un sgrisul lunc tes vissaris, come un crevâsi, un disgramâsi alc. E scomençà a bati i dincj, a tremâ dute, a asulâ (Dino Virgili, La massarie); "O sin rivâts," al veve dite, segnant cu la scorie la cjasate, là jù insomp. Ju veve tirâts jù che a batevin i dincj. "No varês mighe pôre?" (Gianni Gregoricchio, Îr e doman)
   Sin. bati lis brucjis , bati brucjis

Components:

• bati v.tr., v.intr.
• dint s.m.