Dizionari de Lenghe Furlane

scaturî  sca|tu|rî  [AF]

1. v.tr. causâ une impression o reazion psicologjiche profonde:  o ai ricevût une biele letare di protestis, di spiegazions, di lezions, di riclams a la storie, di declarazions di fedeltât a la Patrie, di dovês assolts, di merits cuistâts in vuere, in dopovuere e in pâs, che mi à scaturît. Mi à scaturît e impressionât (Riedo Pup, Rispueste: cjalâ e tasê)
   Sin. savoltâ , scjassâ , impressionâ , scossâ , conturbâ , sbarlufî , sconciertâ , sconvolzi
   
   1. fâ pôre:  lôr, i mucs, cjapant ad in plen, a fasevin e a comandavin in Friûl, dut ce che a volevin, che a jerin parons di recuisî blave e besteam, di meti in preson la int, di ofindi e scaturî e ancje fusilâ (Roberto Ongaro, Il muc)
      Sin. spaurî , scjalterî , fâ pôre , spaventâ , sbalsamâ , spasimâ
2. v.intr. vê une impression o une reazion psicologjiche fuarte, soredut no spietade:  le viôt che e scaturìs. E je la prime volte che i doi dal tu. E cîr une rispueste e no le cjate (Alan Brusini, Gian Paolo Linda, I forescj)
   Sin. scaturîsi , restâ , scossâsi , impressionâsi
3. v.intr. fâ mots o reazions esagjeradis e no spietadis:  al à dal mat, baste cjalâlu, che ancje cuant che si crôt di vêlu amì, al scaturìs (Maria Forte, Cjase di Dalban)
   Sin. dâ sù , saltâ sù
4. v.tr. [BF] cjatâ fûr:  o ai cirût e sbisiât dôs oris par scaturî fûr lis fuarfiis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. burî , burî fûr , cjatâ , cjatâ fûr
5. v.intr. [BF] vignî fûr:  la nassite mi riclame lis aghis primordiâls, vergjinis, che a scaturissin de profonditât de tiere (Antoni Beline, Sant Jacum, là che al finìs il mont)
   Sin. vignî fûr , saltâ fûr , vignî sù , spreçâ , spreçâ fûr