Dizionari de Lenghe Furlane

burî  bu|rî  [AF]

1. v.tr. [TS] venat. cjatâ une bestie cuant che si è a cjace e fâ in maniere che e svoli o che e cori tal viert, in maniere che il cjaçadôr al puedi trai:  discorevin del jeur, duncje, chê sere: / "Ise nancje scalogne? No sei siôrs / di burîlu une volte!" (Enrico Fruch, Il jeur)
   Sin. discoviglî
   Var. sburî
2. v.tr. (fig.) rivâ a cjatâ:  Lanzin al fevelave a bugadis, sfuarçât, al stentave a burî la peraule (Dino Virgili, La aghe da pît la cleve); Eliseo al viodeve lis culinis e i boscs di Buie e di Sant Denêl, e al burive dentri di se un grum di particolârs di chei paîs che i pareve di vê dismenteâts (Carlo Sgorlon, Prime di sere)
   Sin. cjatâ , cjatâ fûr
3. v.tr. (fig.) fâ vignî fûr in sens larc, ancje fâ cognossi, fâ capî, publicâ e v.i.:  o ai tra lis mans i trê libruts de "Golaine teatri" burîts di pôc de SFF (Bepi Agostinis, Storie e cronistorie dal teatri in Friûl)
4. v.intr. lâ svelt, movisi in presse:  a vignevin four cu la marcansia tai braçs e a traviersavin burint la plaça par rivâ a cjasa denant da fâi gola a cualchidun âtri (Novella Cantarutti, Micjeil di Citia)
   Cfr. burît , imburît , buride

Polirematichis e espressions idiomatichis

• burî fûr loc.v.