Dizionari de Lenghe Furlane

buride  /-ì-/  bu|ri|de  [AF]

1. s.f. grande sveltece o grande voie o bisugne di fâ svelts tai moviments, tes azions e v.i.:  cuntun çuf di cjavei sul cjâf che, te buride de corse, i svoletave come une cise sot la buere (Alan Brusini, Come tai romançs); in dute buride i lavôrs de canoniche a forin disbratâts (Pieri Menis, Il fiâr dal plevan); un flumut di pocje buride, di chei che a van in plan cence premure di lâ a butâsi, pierdint il non, intun flum plui grant di lôr che po ju mene al mâr (Roberto Ongaro, Il muc)
   Sin. precipitazion , premure , presse¹ , sveltece , velocitât , viamence
   Var. sburide
2. s.f. [BF] azion di burî, di fâ vignî fûr il salvadi:  chei altris a vevin za cjapât sù un trenteun, come cjans di buride (Maria Forte, La rive di Sant Pieri)
3. s.f. [FÛ] robe di mangjâ:  se chei tâi si degnaran di mandâmi lis solitis regaliis, o varai la complasence di dividi fra ducj i doi la buride, par che nol vadi a riscjo di scjafoiâsi chel pacjoc di Lunari, cul mangjâ ad ingorc biel sôl tante robe (Toni Broili, Trucs furlans)
   Sin. mangjâ , pitance , mangjative , puartade , plat
   Cfr. ingredient

Polirematichis e espressions idiomatichis

• cjan di buride loc.s.m.
• cjapâ la buride loc.v.