ingredient
/-ènt/
in|gre|di|ent
[AF]
-
s.m.
singule sostance che e jentre insiemi cun altris intune preparazion farmaceutiche o chimiche:
"Ma se e jere une robe di nuie, cemût tancj bêçs?" Il speziâr: "Jacum che al stedi atent… i ingredients a vegnin de Gjermanie, la butilie, il stropul e il contegotis. O i ai fat un bon presit!" (Angelo Covazzi, Jacum dal miedi);
"Par savê se e je vignude fûr baste nome che o vadi a svilupâ la lastre! O varès ducj i ingredients cun me... No isal un busigatul chenti, sence sfessuris?" (Arturo Feruglio, I purcjinei)
Sin. component
-
s.m.
singul prodot che al jentre insiemi cun altris intune robe di mangjâ o di bevi:
[la rose di urtiçon] l'è un ingredient indispensabil pe fabriche de bire (Giuseppe Ferdinando del Torre, Il contadinel. Lunari par l'an 1861);
il frico, plat fat di formadi frit, sôl o cun altris ingredients tant che patatis, cevole, ûfs o ancje coce, miluçs e altris ancjemò (Sandri Carrozzo, Frico un plat furlan cuntun non di origjin foreste)
-
s.m.
(fig.)
element che insiemi cun altris al jentre intune dinamiche o al puarte a un risultât:
ducj i ingredients par fâ sù une tragjedie, che l'autôr le pronte cu la sgrimie di un che al sa doprâ la pene e che al sa movi i personaçs (Laurin Zuan Nardin, Adriano Nascimbeni, Il secuestri di Catine, Pasian di Prât, 2015);
il film di Bianchini al à ducj i ingredients par jessi preseât dal zovin public furlan (Fabian Ros, Al vinç √3 di Bianchini)
-
s.m.
(estens.)
prodot o articul in gjenerâl, ancje no farmeceutic, chimic o alimentâr:
une joibe - marcjât grant - e capitin a Udin a vendi cjacis, mescui, fûs e altris ingredients di len, doi cjargnei, om e femine (Arturo Feruglio, Ûfs di mus)
Sin. articul
, prodot
, gjenar