articul
/-tì-/
ar|ti|cul
[FO]
-
s.m.
[FO, TS]
gram.
part variabile dal discors che e ven prin dal sostantîf e che e concuarde cun chel par gjenar e numar:
nus somee che si puedi proponi, par l'articul definît masculin singolâr dal furlan di prin di scrivilu, une situazion dongje di chê dal provençâl, cuntune forme no marcade, par chel che al tocje il câs, di model «lo», e une forme marcade, di câs subiet, di model «il» (Zorç Cadorin, Cualchi ipotesi sul furlan di prin di scrivilu)
-
s.m.
[CO, TS]
dir.
ognidune des sudivisions di un regolament, di une leç, di un contrat e sim.:
l'articul 108 de Cjarte Costituzionâl, cul emendament Pecorari-Tessitori, al garantìs al Friûl un statût autonomistic particolâr (Josef Marchet, E cumò?)
-
s.m.
scrit di gjornâl, riviste e v.i. suntun ciert argoment:
i articui sui gjornâi su la rivalitât tra Tont e Vuere a lerin indenant par dut l'Invier (Adrian Cescje, Memoriis di politiche linguistiche);
il gjornâl "La concordia" di Turin, un sfuei di tindince mazziniane e radicâl, al publicave un violent articul cuintri Cavedalis (Giovanni Pillinini, Zuan Batiste Cavedalis - Une vite esemplâr)
Sin. bocon
, scrit
, servizi
, toc1
-
s.m.
sorte di ogjet in cumierç:
che mi scusi, lui tegnial nome articui dal puest o ancje robe che e ven di fûr? (Alan Brusini, Gian Paolo Linda, I forescj)
Sin. campion
, gjenar
, element
, marcjanzie
, prodot
, robe
-
s.m.
pont di un discors:
su chest articul al bateve cun plui uce (Alan Brusini, Il svindic di Rosute)
Sin. pont
, cantin
, argoment
-
s.m.
[TS]
zool., anat.
division secondarie di un segment che nol è dotât di muscoladure sô
-
bot.
part di un orghin vegjetâl separade di chês altris di une streture
-
s.m.
[CO, TS]
anat.
part periferiche dal cuarp, vâl a dî braç, gjambe o çate o ale
Sin. membri1