campion
/-òn/
cam|pi|on
[AF]
-
s.m.
vuerîr sielt impegnâsi in duei in rapresentance di altris o par difindi l'onôr di cdn. o plui in gjenerâl, vuerîr une vore fuart:
Leopoldo i siei campions / in dôs lineis compart cussì planc planc: / à in mieç ju bataljons / pe fantarie, e i cavalîrs al flanc (Ermes di Colorêt, I, 109);
la condote "eroiche" de vuere e voleve che devant de sdrume dai soldâts si olsassin a lâ i campions che si svantavin par scunî i aversaris e ju sfidavin a singul duel (Sandri Carrozzo, Il Hildebrandslied e la nassite de epiche gjermaniche)
-
s.m.
difensôr di une cause, di un ideâl:
Cercil il campion de libertât, al à molât lis sôs coloniis cuant che nol à podût tignîlis in sclavitût (Pieri Somede dai Marcs, Al è muart Cercil)
Sin. difensôr
, paladin
, sostignidôr
-
s.m.
cui che al vinç un titul, un premi, un concors e v.i.:
co Carnera al veve pierdût il titul di campion dal mont, nissun voleve crodi (Alan Brusini, Amîs come prime)
Sin. vincidôr
, vitoriôs
-
s.m.
cui che al è une vore brâf intune ativitât o che al risalte intun setôr, intun aspiet e v.i.:
Tite Boga, par esempli che cu la fionde al jere un campion (Alan Brusini, Par stradis lungjis);
ancje so pari al jere un campion di salût, e po al mi è muart tal Forlanini (Carlo Sgorlon, Prime di sere)
-
(iron., spres., antifr.)
cui che al à une colpe o une particolaritât che no si calcole positive:
Cjalait ce biei campions! Un al è dut sgrifignât la muse, che al varà barufât fintremai cumò denant; chel altri al à lis mans scorteadis tant che se al fos stât a taiâ rusclis par netâ il cjamin (Josef Marchet, Lis predicjis dal muini);
un nuviçâr cun doi campions di chê sorte nissun no lu golave, ancje parcè che no 'nd jere sperance di tirâ sot un bacar (Antoni Beline, Pre Pitin);
o resti almancul vedrane, pluitost di cjoli chel biel campion (Costantino Smaniotto, Co l'amôr al cimie)
Sin. element
-
s.m.
model di riferiment o di rapresentance di un prodot, di une misure e v.i.:
puartarai a la Fiere di Milan i campions [di sieradure di sigurece] (Pieri Somede dai Marcs, Il segno)
-
(fig.)
cui o ce che al fâs part di une cierte categorie e che par cierts aspiet al pues rapresentâle:
a mi pâr che al sei four di puest clamâ marcjadants chei poetis dal crompâ e dal vendi che i ai cunussût ta la mê vila cuant che i eri canaa, ultins campions di una gjernassia che, a tancju di lour, a pos fâi da ridi (Novella Cantarutti, Marcjadants);
il Friûl - si sa - al è un piçul campion dal univiers (Riedo Pup, I furlans e la cjace)
-
s.m.
[TS]
sient.
cuantitât rapresentative di cualchi sostance di esaminâ:
o vevin di cerçâ la tignince des pieris e prelevâ campions di tiere (Alan Brusini, Gian Paolo Linda, I forescj)
-
s.m.
[TS]
stat.
une part di elements di un fenomen, che al baste cjapâle in esam chê par savê lis carateristichis dal fenomen:
une base dal dut fidabile par meti adun campions tes ricercjis di marcjât e tai scandais sociologjics (Linda Picco, Ricercje su la condizion sociolenghistiche dal furlan)
Polirematichis e espressions idiomatichis