difensôr di|fen|sôr [AF]
- adi., s.m. che, cui che al difint cdn. o alc, ancje di imateriâl: la resistence [de fuartece di Osôf] e jere lade indevant il plui pussibil, ma tal Otubar i difensôrs a jerin ridots a la metât (Giovanni Pillinini, Zuan Batiste Cavedalis - Une vite esemplâr); [Antoni Savorgnan] Al devente une sorte di difensôr dal popul cuintri des prepotencis dai cjistielans, ancje se chê di Savorgnan no je gjenerositât: al è un calcul politic (Donato Toffoli, I 500 agns dal riviel de Joibe Grasse); no si po jessi difensôrs de vite e dai grancj principis e tratâ la int come fruts di scune (Antoni Beline, Salvâ l'embrion dal sintiment)
- adi., s.m. [TS] dir. avocat che al cure i interès di un acusât intune cause: "La peraule al avocat difensôr!" (Pieri Piçul, Vieri e gnûf); i difensôrs dai doi incriminâts a àn declarât: «Ammesso e non concesso» che lis iregolaritâts a sein stadis inmaneadis, si à di savê e pensâ che i doi sorestants no àn doprât i 240 miliarts par "fini personali" (Riedo Pup, O un scherç o un scandul)
- s.m. [TS] sport zuiadôr o atlete che al zuie intune scuadre, cu la funzion principâl di impedî ai aversaris di segnâ: al veve cjapât bale su la trê cuarts liberantsi dal om, al veve fat cualchi metro e al si jere cjatât denant il mûr dai difensôrs metûts in linie dîs metros fûr de aree di rigôr (Stiefin Morat, Adalt abàs); une buine ocasion par Vlahovic, che nol rive a profitâ ad in plen di une bale zuiade mâl dai difensôrs blancs e neris (Marc Stolf, Cope Italie, l’Udin al piert tai timps suplementârs cuintri de Fiorentina)