Dizionari de Lenghe Furlane

element  /-ènt/  e|le|ment  [FO]

1. s.m. part di un complès:  chel pôc che al vanze di cheste suaze [di mosaic] nus mostre elements di une barcje (tamon e un toc dal tamonîr) (Giovanni Battauz, Flavio Cossar, Renato Iacumin, I mosaics de basiliche di Aquilee); la manarie e jere un imprest fat di plui elements: un mani, une lame di piere pulide […], un manegot di cuar (Andrea Pessina, Gaetano Vinciguerra, La preistorie in Friûl); Zuan di Udin al tache a colaborâ cun Raffaello che i fâs piturâ elements decoratîfs e stucs tes Lozis Vaticanis (Luca De Clara, Zuan di Udin); lis formulis a son elements che a tornin simpri compagns dilunc dal poeme (Sandri Carrozzo, Pierluigi Visintin, Jentrade de Odissee)
   Sin. toc¹ , part¹
   
   1. (fig.) spec. tal pl., aspiet di une situazion, di une realtât e v.i.:  metint dongje in maniere disordenade une schirie di elements, mi soi fat la idee che par scrivi un libri su Onde Furlane o vevi di jessi libar di schemis e prejudizis (Max Mauro, Un Friûl difarent: i 90 mhz di Onde Furlane); elements tipics dal cine dal orôr classic (Fabian Ros, Il cine furlan)
      Sin. detai , aspiet¹ , particolâr
   2. robe che à ciertis carateristichis, che e covente par alc, che e determine resonaments, sieltis, consecuencis e v.i.:  lis robis si fasaran secont i elements che o cjatarai culì (Alan Brusini, Gian Paolo Linda, I forescj); gjenitôrs e fruts a varessin di rivâ adore a tirâ dongje i elements che a coventin par sielzi la scuele (Marc Stolf, Scuele vierte. Par dut, par ducj ma no pal furlan)
      Sin. robe , cjosse , dât¹ , fatôr² , prove , fonde
2. s.m. persone considerade rispiet a un grup:  il gnûf guvier al lassà cjarte blancje a ducj i elements de massonarie nazionaliste che e trionfave a Florence (Josef Marchet, Cuintristorie dal Friûl fin sot la Italie)
   Sin. individui , singul
   
   1. (coloc.) cuntune conotazion scherç. o spres.:  al jere cetant cjapât dai pinsîrs su di chel element che i stave dongje (Roberto Meroi, A Messe)
      Sin. individui , part¹ , scampul , tipo , personagjo , zenso , imprest¹ , tâl
   2. part di comunitât considerade rispiet a un grup plui grant:  la cuistion de convivence di elements sclâfs o todescs si presente ancje par Udin [no dome pe provincie di Gurize] (Josef Marchet, In cercje di democrazie)
      Sin. minorance , grup¹ , comunitât
3. s.m. [TS] filos. te filosofie antighe, principi di dutis lis robis, component sempliç e indivisibil de materie e dai cuarps:  i elements de materie a son aiar, aghe, tiere e fûc
   
   1. [CO] tal pl., lis fuarcis naturâls:  ce pôcs ripârs par cheste int flagjelade dai oms e dai elements! (Antoni Beline, Sant Jacum, là che al finìs il mont); e co no va a mût lôr / cuintri il puar strolic vadin in furôr, / cuasi che ju elements / fossin miei dipendents (Pieri Çorut, Il Strolic furlan par l'an 1827)
4. s.m. [TS] chim. sostance caraterizade di atoms che a àn ducj il stes numar di protons:  l'idrogjen, pûr jessint l'element chimic plui bondant tal univiers, inte forme molecolâr (H 2) si lu cjate tal aiar dome in ombris (0,5 part par milion!) (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
5. s.m. [TS] ling. part de peraule o de frase individuade a mieç di une analisi:  si clame lengaç setoriâl (o sotcodiç setoriâl o microlenghe) chel insiemi di elements lessicâi (tiermins e espressions) doprâts tes dissiplinis specialistichis (Franco Finco, Par une terminologjie in lenghe furlane)
   
   1. [TS] metr. tal scheme de metriche classiche, la sede di une cierte cuantitât
6. s.m. [TS] mat. ce che al costituìs un insiemi
7. s.m. [TS] ecol. ambient là che a nassin e si svilupin lis realtâts che a vivin
   
   1. [CO] (fig.) puest, situazion dulà che si cjatisi ben:  Pamela si jere tant stufade a sintî lis storiis di chel vecjo e invezit Toni al nadave tal so element (Checo Tam, La sente di piere)
8. s.m. massime tal pl., argoment di fonde pe comprension di une dissipline:  elements di matematiche
   Sin. base